)umbi me *+lisin, Ze Maria ,braktis- Tiranën
Raziliani do të luajë me ish ! lojtarët për bamirësi
Tirana u thye pas gjashtë fitoresh radhazi ku në ndeshjen e së shtunës me Bylisin, u mund me rezultatin 1-0. Për bardheblutë ishte disfata e parë në këtë kampionat dhe goli i parë që pësonin. Një shans për shkëputje, por tashmë ballshiotët janë afruar me tri pikë dhe gara është hapur sërish. Një humbje që ka lënë të zhgënjyer trajnerin brazilian Ze Maria, i cili ka vendosur të "braktisë" skuadrën. Por, vetëm për pak ditë, pasi tekniku do të rikthehet sërish në krye të bardhebluve për të vazhduar misionin që ka nisur, rikthimin e ekipit në Superiore. FTESA
Burime pranë klubit bardheblu kanë bërë të ditur se Ze Maria ka marrë një ftesë për të qenë nesër në Kinë. Bëhet fjalë për një ndeshje miqësore për bamirësi. Ish- lojtarët e Interit si Alvaro Bekoba, Marko Materaci, Karboni dhe të tjerë "yje" që kanë qenë pjesë e skuadrës bluzi në Itali, do të jenë pjesëmarrës në këtë ndeshje miqësore. Mes tyre do të luajë edhe ish-futbollisti i Interit dhe aktualisht, trajner i Tiranës, Ze Maria. Mësohet se tekniku do të niset nesër drejt Kinës, ku do të marrë pjesë në këtë miqësore që luhet për bamirësi. Duke përfituar nga pauza e kampionatit për shkak të ndeshjeve të Kombëtares, tekniku brazilian është ftuar në këtë sfidë miqësore dhe ka konfirmuar pjesëmarrjen. Ndërprerja e kampionatit për dy javë i jep mundësinë Ze Marias që të mungojë. SKUA@RA
Ndërkaq, ekipi vazhdon të jetë pushim. Pas humbjes me Bylisin, skuadrës i janë dhënë dy ditë leje, pasi ndeshja e radhës për bardheblutë do të luhet pas dy javësh. Pritet që gjatë kësaj kohe, stafi të punojë shumë për të korrigjuar gabimet që u vunë re në ndeshjen e kaluar ndaj Bylisit. Synimi i bardhebluve këtë sezon është ngjitja në Superiore. Deri përpara ndeshjes me ballshiotët, ecuria ishte perfekte, por humbja e së shtunës së kaluar ka sjellë paksa zhgënjim. Në sfidën e ardhshme, kryeqytetasit do të luajnë me Apoloninë në Tiranë, ku do të kërkojnë medoemos të rikthehen te fitorja.