Vendimi, Flamurtari rigjen tifozët

Reagon Sinan Idrizi: Vijon protesta për "fermën e kafshëve", por jo për të ofenduar familjarët e Dukës

Flamurtari bën të "kakarisë" Disi plinën dhe luan me tifozë ndeshjen e radhës ndaj Skënderbeut, më 15 nëntor në stadiumin e Vlorës. Dënimi prej katër javësh pa spektatorë prej banderolave me "pula", që u shfaqën nga tifozët vlonjatë në ndeshjen e dy javëve më parë ndaj Kamzës, është ulur dje nga Komisioni i Apelit në dy ndeshje. Kësisoj, me shlyerjen e një takimi (Flamurtari-Kukësi), tashmë klubi vlonjat mund të paguajë në FSHF 5 milionë lekë të vjetër, duke konvertuar me gjobë dënimin. Në mbledhjen e djeshme, Komisioni i Apelit, në lidhje me vendimin, citonte: "Ndryshimin e vendimit të Komisionit të Disiplinës, datë 27.10.2017 (pika 1). Flamurtari F.C, për përsëritje të sjelljes së gabuar të spektatorëve, duke përdorur parulla e shprehje ofenduese dhe duke shkaktuar ndërprerjen e përkohshme të lojës, në bazë të Nenit 66/1 të KDS, dënohet me zhvillimit e 2 (dy) ndeshjeve pa spektatorë në stadiumin përkatës dhe gjobë në masën 100.000 lekë. Kundër këtij vendimi lejohet ankim në Gjykatën e Arbitrazhit Sportiv".

IDRIZI - I kontaktuar dje nga "Panorama Sport", administratori i Flamurtarit, Sinan Idrizi, ka konfirmuar se do të paguajë për të rikthyer tifozët pas vendimit të Apelit për uljen e dënimit. "E prisja vendimin e Apelit, pasi ka edhe njerëz të përgjegjshëm në këtë vend. Ndeshjen e radhës ne do ta paguajmë, por kam një thirrje për tifozët: pro protestave civle, kundër sharjeve familjare!", ka thënë fillimisht Idrizi, për të argumentuar më pas pse Flamurtari do

të vijojë të protestojë ndaj FSHF-së. "Unë jam pro protestës civile kundër Dukës, por jam kundër atyre që i bëhen atij me sharje. Familjarët e Dukës që shahen në stadium janë njësoj si familjarët e mi dhe të Vlorës. Është e turpshme që në stadium të shahen familjarët.

Nëse do të ketë sharje familjarësh, do ta mbyll vetë stadiumin. Por, ama protestë me "fermën e kafshëve", do të ketë. Unë do të vazhdoj t'i bëj Dukës protestë civile deri në fund, por jo me sharje dhe ofendime. Ka një nerv, ka një reagim, ka probleme të mëdha të pazgjidhura me FSHF-në, ka një gjykim që është kthyer në bumerang për ne. Kaq problem qenka organizimi i një proteste civile. Duka e ka pranuar të jetë president, duhet të pranojë edhe ironinë, por jo kaq agresiv, mbyll stadiumin katër ndeshje. Unë e kam me këtë si fenomen".