Çalha e Silva, me kombëtaret për t'u rikthyer vendimtarë

Te Milani, ku ka marrë besim veçanërisht pas dëmtimit të Bonaventurës, Çalhanoglu ka luajtur katër herë si titullar në më pak se dy javë. Nga Kievo te Juventusi, nga Athina në Sasuolo (ku u dallua për një goditje dënimi dhe një tjetër nga distancë e largët). Normalisht aftësitë e turkut nuk limitohen këtu dhe Milani shpreson që, me të kaluar një periudhë (më se normale) përshtatjeje, fantazisti të ketë më shumë për të treguar. Këtë herë Luçesku nuk është rrëfyer në publik, por në Turqi të gjithë e njohin historinë: në ndeshjen vendimtare kundër Islandës, ku Turqia dështoi, trajneri la të kuptohet se e ndjeu mungesën e Çalhanoglusë (Hakan ishte i pezulluar për shkak të kartonëve të verdhë), një nga liderët e skuadrës. Turqia do të luajë dy miqësore, kundër Rumanisë dhe Kombëtares sonë (nesër dhe të hënën) dhe, me mungesën e Arda Turan, Burak Ilmaz e Emre Belozoglu, sytë do jenë të drejtuar nga mesfushori i kuqezinjve. ANDRE, NË VEND TË CR7-ës - Principi vlen edhe për Andre Silvën, për të cilin ishte thënë se gjendej më mirë në Europë sesa në Serinë A. Në transfertën e fundit në Athinë dhe akoma më përpara në "San Siro" gjithmonë kundër grekëve, portugezi megjithatë hasi vështirësi dhe nuk arriti të gjejë rrugën e rrjetës (megjithëse deri në atë moment, ndodhej në kuotën 4 gola në po aq ndeshje). Edhe për të shtypi sportiv portugez i kujton se pesha e sulmit të përfaqësueses bie mbi krahët e tij, duke konsideruar pushimin e Ronaldos: miqësoret e luzitanëve janë me Arabinë Saudite (nesër) dhe SHBA-të (të martën). Milani pret dhe shikon me vëmendje: interesi është që Andre, po ashtu si Çalhanoglu, të rilindin me kombëtaret e, më pas, të përsëriten me Milanin.