Fusha, Vllaznia rrezikon Lushnjën
Stafi po shtrydh ekipin në stërvitje, por mund të migrojnë sërish si me Skënderbeun
Ndeshja VllazniaLushnja, e vlef shme për javën e dhjetë të Superiores, do të zhvillohet ditën e mërkurë në orën 14.00. Për momentin, ky takim është planifikuar të luhet në stadiumin "Loro Boriçi", megjithatë ende nuk është asgjë zyrtare. Pas ndërhyrjeve në fushën e stadiumit, ka mbirë edhe bari i ri dhe terreni ka filluar të marrë ngjyrën e duhur. Por kushtet klimaterike nuk e favorizojnë rikthimin e shpejtë të Vllaznisë në fushën e saj. Lagështira e krijuar nga shirat e rënë në dy ditët e fundit, nuk është aspak e mirë dhe për këtë arsye, ka një dilemë nëse tapeti i këtij stadium do të jetë i gatshëm për të mërkurën e 15 nëntorit. Gjasat janë që edhe ndaj Lushnjës të mos luhet në "Loro Boriçi" dhe ky, natyrisht, që është një minus i madh për kuqeblutë, sepse duke luajtur shumë ndeshje jashtë fushe, nuk kanë arritur të krijojnë si duhet fizionominë e lojës së tyre. Gjithsesi,
deri të dielën duhet pritur për të parë gjendjen reale të fushës së stadiumit të Shkodrës dhe më pas do të vendoset nëse do të luhet aty apo jo. Nëse jo, Vllaznia do ta kishte shumë të vështirë për të gjetur një fushë tjetër dhe më së paku, nuk do të mund të bënte atë që bëri me Skënderbeun javën e kaluar kur e spostoi ndeshjen në Korçë.
Përgatitjet- Trajneri i Vllaznisë, Ernest Gjoka, dhe stafi i tij po zhvillon me intensitet të lartë përgatitjet për fazën e dytë të kampionatit. Edhe gjatë ditës së djeshme, skuadra ka zhvilluar dy seanca stërvitore. Paradite, kuqeblutë kanë qenë në palestër nën drejtimin e përgatitësit atletik, Poloska, ndërsa pasdite ka vijuar puna në fushën e Golemit. Stafi teknik, gjatë kësaj jave të ndërprerjes së kampionatit, i ka kushtuar
rëndësi rritjes së parametrave fizikë të futbollistëve, ndërkohë që nga e hëna do të mendojnë konkretisht për takimin e radhës me Lushnjën, i cili shpresohet të luhet në Shkodër. Pas ngarkesës fizike në seancën e paradites, puna e kuqebluve ka vijuar pasdite në fushën stërvitore të Golemit, ku kanë punuar me topin si në aspektin teknik, ashtu edhe atë taktik. Në seancat e djeshme, me ekipin janë bashkuar edhe dyshja Bardulla e Gocaj. I pari ka qenë i dëmtuar dhe dalëngadalë po bëhet gati për përballjen me
lushnjarët. Ndërsa mbrojtësi i djathtë, është bashkuar dje me grupin pas një dëmtimi të lehtë. Për momentin, i vetmi që nuk po stërvitet me grupin, është mesfushori i qendrës, Ardit Krymi, i cili është i grumbulluar me ekipin kombëtar U-21. Me ardhjen e stafit të ri teknik, ai është duke i kushtuar një vëmendje të veçantë rritjes së parametrave fizikë të futbollistëve dhe pa dyshim që koha nuk është e përshtatshme, pasi duhet menduar edhe për vazhdimësinë e kampionatit. Gjithsesi, po tentohet të bëhet më e mira në këtë drejtim.