Super Tirana, kryeson Ballkan Ligën
Bullgarët e Levski Sofjes, “shuplakë” edhe pas ndeshjes, lahen me ujë të ftohtë
Tirana ka qenë fantastike në takimin e djeshëm ndaj ekipit bullgar, Levski. Kampionët e Shqipërisë nuk kanë falur në takimin e kthimit, ku kanë triumfuar 79- 76, me protagonistë dy amerikanët Bazit e Stroubrixh, të cilët shënuar trepikëshin që u dha fitoren. Një meritë të veçantë kishte edhe trajneri i ekipit kryeqytetas Antonios Dukas, i cili, herë pas here, ndërmerrte veprime taktike që kanë funksionuar mjaft bukur. Skuadra e Tiranës ka treguar forcë, rivalitet dhe përkushtim maksimal në këtë takim, edhe pse kanë qenë gjithnjë në disavantazh, pasi e kanë humbur periodën e parë, 15-26, ku me gjithë përkushtimin maksimal të Endrit Hysenagollit, i cili më shumë ka luajtur në rolin e një shkatërruesi të aksioneve sulmuese të ekipit kundërshtar, nuk ka mundur dot të shmangej humbja. Por ka marrë dhe tre gabime personale, të cilat i kanë kushtuar lojtarit tonë që të qëndrojë në dy periodat pasardhëse në stol. Bullgarët kanë qenë të papërmbajtur, sidomos në gjuajtjet nga distanca ku kanë ardhur edhe pikët më të shumta. Në periodën e dytë janë lojtarët tanë që luajnë bukur, por dhe efikasiteti ka qenë më i mirë, pasi është shpeshherë Gerti Shima ai që shënon trepikëshat tanë. Por, gjithsesi, bullgarët vazhdojnë gjithnjë kryesimin, pavarësisht se arrijmë ta fitojmë periodën e dytë 26-16. Megjithatë, kemi arritur të shkurtojmë diferencën duke e ngushtuar në një pikë në përfundim të pjesës së parë 42-43. Në fraksionin e dytë, të dyja skuadrat luajnë me shumë kujdes dhe ka ekuilibër në fushë e në rezultat. Një periodë që përfundon
Çast nga ndeshja e djeshme
e barabartë 18-18. Pak kohë se të mbyllej kjo periodë aktivizohet përsëri kryepikëshënuesi i Ligës, Hysenagolli. Ndërsa Bazit si përherë është i papërmbajtur, një fluturak sa në sulm dhe në mbrojtje. Minutat e fundit janë shumë emocionuese, pasi rezultati është në një diferencë të ngushtë me vetëm 2 pikë
(66-68). Më pas është Bazit që, në këtë fundloje, ka dorë dhe dora e tij edhe në distancë është efikase, duke shënuar një trepikësh me vlerë dhe dy pikë të Stroubrixh e çojnë rezultatin në 12 sekondat e fundit 7476. Bazit realizon përsëri një trepikësh 77-76 për ne dhe, në sekondat e fundit, është sërish
ai që thyen aksionin e fundit të bullgarëve e Stroubrixh dhe realizon dy pikët e fundit 79-76. Kur kishte vetëm një sekondë lojë gjuan nga mesi i fushës Shima, kosh, por i pavlefshëm, pasi sekondat kanë skaduar dhe kështu takimi mbyllet me fitoren e Tiranës 79-76.