Kthehet Xhek, shpikje për Biljan dhe Montolivon
Dy regjisorë në fushë, ideja e çmendur e Montelës
Ditën e djeshme ësh të kthyer në stër vitje me regjim të plotë Xhakomo Bonaventura. Mesfushori duket se ka hedhur pas krahëve dëmtimin dhe mendohet të jetë një mundësi më shumë në sfidën e radhës ndaj Napolit. Të hënën do të jetë dita e Biljas për t'u kthyer në stërvitje me grupin, teksa Kalabria duket drejt riaftësimit të plotë, por ka më pak mundësi se të tjerët për të luajtur në fundjavën e ardhshme.
Lukas Biljan dhe Rikardo Montolivo kanë përjetuar një fillimsezoni të çuditshëm dhe me momente sa të ngjashme, aq edhe të ndryshme.
Montolivo e nisi me një seri ndeshjes të mira sezonin, por më pas zgjedhjet e Montelës dhe një dëmtim i lehtë, e bënë të humbiste pozicione në hierarkitë kuqezi. Fati ndryshon shpesh drejtim dhe nëse kur u dëmtua Montolivo, përfitoi Bilja, tani ndodh e kundërta.
LËVIZJA TAKTIKE - Kush do të luajë titullar në takimin e radhës? Mundësitë më të mira i ka Bilja, sidomos nëse gjendja e tij fizike do të jetë ajo e duhura në këto ditë stërvitjeje, që na ndajnë nga ndeshja me Napolin. Sidoqoftë, pas garës së fituar ndaj Sasuolos, Montela la të kuptohej se planet e tij nuk përjashtojnë Milanin me dy regjisorë në mesin e fushës. 3-4-2-1 jep disa hapësira për t'i përdorur të dy mesfushorë, me argjentinasin përpara mbrojtës dhe me Montolivon dhe Kesin në krahët e tij.
BASHKËJETESA - Shpesh, trajnerë të ndryshëm kanë dhënë prova për të tilla bashkëjetesa, por çështja tjetër që shtrohet janë pasojat.
Ku mendon Montela ta vendosë Frenk Kesin, një tjetër copëz e shtrenjtë e merkatos së kaluar? Për momentin, me gjithë formën e dobët të afrikanit, duket e pamendueshme që ndaj Napolit ta nisë takimin nga stoli, ndaj ai duket se do të pësojë disa modifikime të rolit nëse Montela vendosë ta rreshtojë mes titullarëve. Mundësia e dy regjisorëve shihet edhe si një alternativë për ndeshjet ku Kesi duhet të pushojë.
MONTO-FANTAZI - Një tjetër ide e teknikut kuqezi për t'i garantuar vendin Montolivos (nëse ruan formën aktuale), është vendosja e tij në rolin e fantazistit fals, pra së bashku me Suson, pas sulmuesit
të vetëm. Roli, aktualisht, i përket Hakan Çalhanoglusë, por duket e vështirë që turku të ruajë vendin në skuadër nëse nuk ngre nivelin e paraqitjeve të tij.. Në një ndeshje si ajo ndaj Napolit, duket paksa e tepruar të tentosh eksperimente, por
mund të rezultojë një plan funksional, pavarësisht se skuadra do të rreshtohej në një formë të tkurrur, një aspekt ky për të mos u nënvlerësuar, sidomos duke parë dhe problemet karakteriale që Milani ka shfaqur në këtë fillimsezoni.