Angli-Gjermani, paqe në Uembli
"Pancerat" e trajnerit Joakim Lëv dominuan, ylli i Sitit Leroi Sane bëri dy traversa
Në përballjen miqë sore mes ko mbëtares angleze dhe asaj gjermane, të luajtur në stadiumin legjendar të "Wembley"- t, të dyja skuadrat e kanë mbyllur sfidën duke i lënë rrjetat e paprekura në barazimin 00. Trajneri i vendësve, Gareth Sauthgejt, ka aktivizuar ekipin e tij në lojë me formacionin 3- 4- 3, sikurse edhe rivalët në këtë përballje. Në pjesën e parë, gjermanët e teknikut Joakim Lëv kanë arritur të tregojnë më tepër përqendrim duke kërcënuar portën e portierit Pikford me anë të Leroi Sane që në momentet e para të lojës. Kombëtarja gjermane ka arritur të dominojë lojën edhe nga pozicionimi i topit, për të cilët ka qenë më i lartë se vendësit. Edhe skuadra e Sauthgejt ka pasur një formë mjaft të mirë gjatë gjysmës së parë të përballjes, duke treguar një lojë të shpejtë e të bazuar në pasimet e gjata. Sikurse në çdo përballje tjetër, të dyja këto ekipe kanë pasur një rivalitet të theksuar për faktin se kush do të shënojë i pari, megjithatë, edhe në përfundimin e pjesës së parë, portat e të dyja skuadrave kanë mbetur të paprekura. Sa i përket gjysmës së dytë të kësaj përballjeje, të dyja skuadrat e kanë nisur me një intensitet tepër të lartë ku rivaliteti për të shënuar golin e parë është thelluar edhe më tej. Në minutën e 48- të të kësaj pjese, kombëtarja angleze ka arritur të kërcënojë portën gjermane me anë të Vardit, i cili ka goditur fuqishëm topin me kokë, por portieri Ter Shtegen ka arritur ta shpëtojë portën duke e bllokuar goditjen e tij. Edhe pse kanë arritur të krijojnë një rast mjaft të favorshëm për të shënuar, "pancerat" e teknikut Lëv kanë vazhduar të dominojnë në fushën e blertë të "Wembley"-t duke pasur kontrollin më të lartë të topit. Në minutën e 58-të, vendësit e drejtuar nga Gareth Sauthgejt, kanë kërcënuar sërish portën e Ter Shtegen, por nuk arritën të zhbllokojnë rezultatin. Në këto momente, të dyja skuadrat kanë kërkuar të rifreskojnë lojtarët, duke bërë disa zëvendësime. Sulmuesi i kombëtares gjermane, Timo Verner, është zëvendësuar në minutën e 73- të me Sandro Vagner, i cili ka shfaqur një formë mjaft të mirë, por nuk ka arritur të shënojë në portën e portierit anglez, Pikford. Në
minutat e fundit të kësaj loje, sfida është ndezur edhe më shumë, pasi të dyja skuadrat kanë tentuar disa herë t'i shënojnë njëratjetrës, por nuk kanë arritur të zhbllokojnë shifrat. Drejt fundit të kësaj përballjeje legjendare, skuadra
vendëse ka arritur të rrisë ndjeshëm nivelin e lojës duke krijuar raste tepër të favorshme për të shënuar, por sërish porta e Ter Shtegen ka mbetur e paprekur nga anglezët e Sauthgejt. Rivaliteti mes këtyre dy skuadrave ka qenë i jashtëzakonshëm,
sidomos në minutat e fundit të kësaj sfide, e cila ka vazhduar me barazimin 00. Megjithatë, ndeshja mes këtyre dy gjigantëve të futbollit botëror, ka përfunduar me barazim, duke e lënë këtë sfidë të hapur për në arenën e Kupës së Botës.