Kukësi surprizohet nga Korabi
Kampionët testojnë lojtarët e ardhur nga dëmtimet, por lëshojnë në pjesën e dytë
Kukësi gabon në miqë soren e djeshme të lu ajtur në kompleksin sportiv Pezë Helmës, ku ka humbur me rezultat minimal ndaj Korabit, skuadër e cila është pjesë e Kategorisë së Parë. Verilindorët kanë zhvilluar një ndeshje që kishte dy panorama, ku në pjesën e parë, formacioni bazë i trajnerit Milinkoviç dominon takimin, por pa arritur të shënojë, dhe në pjesën e dytë, ku lojtarët e aktivizuar nuk ia dalin të bëjnë më të mirën e tyre, çka sjell edhe pësimin e një goli me autor Chakhvashvilin. Edhe pse pas pësimit të golit kampionët kishin në dispozicion 20 minuta lojë për të barazuar, nuk ia dolën ta bënin një gjë të tillë.
PJESA E PARË
Moti me shira të shumtë që ka mbizotëruar ditën e djeshme në kryeqytet, ka vështirësuar edhe më shumë terrenin në të cilin është luajtur takimi. Edhe pse ndeshja ishte vendosur të niste në orën 14:00, por u shty me 10 minuta, pasi kryesori Beqiri nuk pranoi ta niste sfidën pa u vendosur flamujt e këndeve. Sfida ka nisur e qetë, por me kalimin e minutave, Kukësi bëhej më agresiv. Verilindorët kërkojnë golin në të 20-ën, ku Ethemi bën një kalim spektakolar nga e djathta, kroson bukur në zonë për Bakajn, por është portieri Selaci, i cili devijon topin, duke i hequr mundësinë e shënimit Bakajt. Kukësi vijon sulmet ku në të 30-ën është Zeqiri ai që merr një top nga Bakaj e i gjendur zonë godet fort, por gardianit Salaci i shkon topi në dorë. Në këtë pjesë të parë, dibranët nuk do të rrezikojnë asnjëherë seriozisht
portën e Frashërit. PJESA E DYTË
Me nisjen e fraksionit të dytë të takimit, trajneri Milinkoviç hedh në fushë formacionin e dytë, ku ndërron plot 7 lojtarë. Në lojë janë Peposhi, Shtubina, Gilmor, Imami, Koldashi, Memini,
Joti. Gjatë pjesës së dytë, futbollistët e Korabit janë më kërkues, për shkak se dhe Kukësi nuk është më skuadra e pjesës së parë. Në të 64n Ardit Peposhi përplaset me Harunin, arbitri anësor akordon faull, por mbrojtësi proteston ashpër te kryesori dhe ky i fundit e ndëshkon me karton të verdhë. Veliaj merr përsipër goditjen e dënimit dhe gjuan drejt portës, por Peposhi largon topin e rrezikshëm që shkonte drejt kuadratit në momentin e fundit. Kukësi i kundërpërgjigjet me një kundërsulm. Është Shtubina që fiton një faull rreth 20 metra larg portës. Si rrallëherë goditja e dënimit i besohet Allës, i cili ekzekuton, por nuk është i saktë. Në të 70-ën vjen dhe goli i vetëm i këtij takimi. Peposhi humbet topin, gjeorgjiani Chakhvashvili përfiton dhe zgjedh krahun e djathtë për t'u futur në zonë dhe gjuan fort, duke mposhtur portierin Frashëri. Te Korabi ka festë. Verilindorët do të rrezikojnë në minutën e 85-të të ndeshjes, ku Koldashi me roveshatë gjuan fort, por Prençi pozicional arrin të presë e të mbajë portën e tij të paprekur.