Veleçiku rikthehet në krye me "poker"
GOLAT: Sejdini 27'/ Pelinku 44', Ujkaj 48', Çokaj 85', Popaj 87' SPARTAKU: R.Sejdini, Menaj, Rapo, Hysko, Cane (Haroku 45'), Merdini ( Horanlli 27'), Muzhaqi, A.Sejdini, Meshaj, Brahimaj, Rizvani.
Trajner: T.Përleka VELEÇIKU: Lopçi, Osmani, B. Çokaj ( Lumaj 90'), Lami, Dodaj, Ujkaj, Pelinku (Hoxhaj 62'), Gokaj, Plishta, Banushaj (Popaj 84'), D.Çokaj. Trajner: B.Duli
KARTONË TË VERDHË: Meshaj, Hysko, Rizvani, Rapo/ Pelinku, Lami, Dodaj KARTON I KUQ: Osmani (2v) Gjyqtarë: O.Yzeiri, N.Rapaj, A.Topi, A.Marko (Patos) VËZHGUES: Arben Molla DELEGAT: Agron Kaja Dje në Yrshek është zhvilluar ndeshja e radhës midis Spartakut dhe Veleçikut. Një sfidë që u shoqërua me reshje shiu si dhe me një numër të vogël tifozësh. Ekipi Spartakut vinte nga një fitore e javës së kaluar kundër kryesuesve të Vorës, sukses që duket se nuk është shfrytëzuar siç duhet nga ekipi. Veleçiku ka fituar thellë, 4-1 dhe është ngjitur në vendin e parë në pritje të ndeshjes që do të luajë sot Vora. Spartaku arrin të zhbllokojë rezultatin që në minutën e 25-të me anë të Sejdinit. Vendësit kalojnë në epërsi duke menduar se e kishin të fituar lojën. Miqtë këmbëngulin dhe në minutën e 44t, është Pelinku që arrin të shënojë pas një momenti përgjumje të mbrojtjes vendëse. Pjesa e parë mbyllet pa fitues me rezultatin 1-1. Në fillim të pjesës së dytë, vendësit kryejnë edhe një zëvendësim tjetër të detyruar nga fusha e lojës, ku del Cane dhe hyn Haroku. Kur pritej që vendësit të shënonin, janë miqtë të cilët me anë të një kundërsulmi arrijnë të shënojnë me anë të të riut Ujkaj. Në fund, miqtë shënojnë edhe dy gola të tjerë. Në minutën e 90-të, gjyqtari kryesor nga Patosi, Yzeri, ka larguar nga stoli i Veleçikut një anëtar të stafit pasi është konflikttuar verbalisht me një nga futbollistët vendës. Rajkard Aliko