Markez mbron fronin, shpallet kampion bote
Statistikat e dymbëdhjetë javëve të para të Serisë A hedh poshtë një kritikë të pavend, sipas së cilës Borha Valero nuk vrapon sa duhet. Duke hulumtuar fondin e të dhënave të kampionatit italian zbulohet se spanjolli i Interit vrapon mesatarisht 10.636 për çdo ndeshje. Kilometrat e përshkruar nga ish-mesfushori i Fiorentinës janë një provë e qartë e efikasitetit të tij edhe në nivel vrapimi. Ajo që zbulon shkakun e kritikave ndaj tij është ritmi në fushë, por Borha nuk ishte një sprintier as dhjetë vite më parë. Tek Interi i mrekullive të Spaletit, vetëm tre kolegë kanë të dhëna atletike më të mira në lidhje me kilometrat në fushë. Danilo D'Ambrozio dhe Ivan Perisiç janë në vendet e nderit, teksa maratonomaku i zikaltërve është Matias Vesino. Nëse e zgjerojmë njësinë matëse dhe krahasojmë Borhan me një homolog të tijin, statistika bëhet edhe më interesante. Në fakt, Dibala, që luan gjithashtu si fantazist, përshkon 700 m më pak për ndeshje sesa homologu interist dhe për t'u mbajtur parasysh është fakti se argjentinasi është vetëm 25 vjeç.
Edhe në minuta të luajtura deri në këtë pikë të kampionatit, interisti qëndron më lart me 1000
minuta ndaj 967 të "La Joya"-s. Mes kolegëve që kanë luajtur më mirë deri tani, Valero lë pas edhe dyshen Luis Alberti- Milinkoviç Saviç. Fantazistët e Lacios, megjithëse gjithashtu më të rinj në moshë, vrapojnë më pak se numri 20 zikaltër. Kontributi taktik i ndërthurur me atë atletik e
bëjnë një pjesë të pazëvendësueshme të mozaikut të Spaletit, jo më kot edhe Montela gjatë verës u mundua ta afronte te Milani. Spanjolli i blerë për 6 milionë euro po rezulton goditja e merkatos së Interit, me Montelën që vuan në krahun tjetër të Milanos.