Vogli "qan" katër pikët e humbura

Ecuria e deritanishme e Egnatias në kampionat ka qenë pozitive sa i përket rezultateve. Për "Panorama Sport", qendërmbrojtësi Jurgen Vogli u shpreh i kënaqur që skuadra ka treguar nivel të kënaqshëm në përballjet me kundërshtarët. "I vlerësoj si tepër pozitive shtatë javët e luajtura deri tani. Duhet të kishim katër pikë më shumë dhe të ishim më afër Kastriotit. Gabimet në shtëpi me Korabin dhe Erzenin nuk na falen. Tani kemi nisur përgatitjet për transfertën me Burrelin dhe ndërprerja e kampionatit na dha kohë të mjaftueshme. Sfida me matjanët nga ana jonë vlerësohet maksimalisht, pasi ata kanë një përvojë të madhe në të Parën. Edhe pse luajmë në transfertë, ne do provojmë shanset tona", tha Vogli. Aldo Buzi