Toliso: Bajerni,i jashtëzakonshëm
Mesfushori francez i skuadrës së kampionëve gjermanë, Korentin Toliso, ka folur gjatë një interviste për mediat franceze, ditën e djeshme, për Bajernin, duke treguar si është ndjerë ai që prej nënshkrimit me klubin gjerman. Në këtë intervistë Toliso ka thënë: "Në Bundesligë lojtarët luajnë dhe stërviten shumë më ndryshe nga ata në Francë. Seancat stërvitore janë mjaft intensive dhe në momentin që ke topin në këmbë, duhet të nisesh sa më parë për në sulm. Kjo mënyrë e të luajturit më ka lënë shumë mbresa pas nënshkrimit te Bajerni. Nuk m'u desh shumë kohë për të kuptuar se Bajerni është një klub i jashtëzakonshëm dhe çdo gjë është e organizuar mirë atje. Jam shumë i lumtur që e mora këtë vendim".