Ze Maria: Tirana nuk gabon, Doka një diamant

“Janë kundër nesh, më mirë të luajmë në Lushnjë”

Ze Maria është kthyer nga Kina me ide të qarta. Humbja e fundit "dhemb" ende, megjithatë trajneri prerazi i paralajmëron se nuk fal më asnjë gabim në vazhdim. Një lloj reagimi e ka marrë në stërvitje, ndërsa thekson se lojtarët janë ndierë të turpëruar pas ndeshjes me Bylisin. Në konferencën...

Trajneri i Tomorit, Santiliano Dule, në një prononcim për gazetën në lidhje me ndeshjen e sotme kundër Shënkollit, tregon objektivin dhe shkallën e vështirësisë të kësaj sfide. Sipas tij, skuadra kundërshtare ka treguar se di ta përballojë mjaft mirë garën në Grupin B dhe se ecuria e tyre deri në këto momente nuk është aspak rastësore. Dule ka thënë se kërkon përqendrim maksimal nga të tijtë dhe të vetmes gjë që i druhet është fati. Sakaq, 29- vjeçari ka folur edhe në lidhje me statistikat që skuadra e tij ka regjistruar në stadiumin e Kuçovës duke komentuar edhe atmosferat e sikletshme që i krijohen skuadrës së tij në atë fushë.

DULE - "Ekipi im tashmë nuk e di se çfarë do të thotë faktori fushë. Ndeshjet në stadiumin 'Bashkim Sulejmani' të Kuçovës janë sikur të luanim në transfertë. Shumë flasin për statistikat që skuadra ka marrë në këtë stadium, ndërkohë që unë dhe lojtarët e mi nuk e konsiderojmë aspak veten si ekip pritës aty. Është e habitshme që tifozët e këtij qyteti në përballjen kundër Tiranës dhe shumë ekipeve të tjera të jenë kundër nesh. Kështu na ndodh në çdo sfidë, paçka jemi dy qytete që ndodhemi fare pranë njëra-tjetrës. Për mua, ndeshjet në stadiumin e Kuçovës, janë si në transfertë, për mos të thënë që jashtë

fushe luajmë më të qetë dhe pa presion. E kemi më mirë t'i zhvillojmë ndeshjet në stadiumin e Lushnjës, pasi është një qytet që ka atmosferë sportive dhe dinë si respektohen miqtë", u shpreh fillimisht Dule. Ndër të tjera, tekniku beratas ka dhënë opinionin e tij edhe për kundërshtarin e sotëm. "Përballja me Shënkollin është një sfidë vendimtare për të kërkuar ngjitjen në dy vendet e para të klasifikimit, ku duhet të tregohemi të kujdesshëm dhe të shfrytëzojmë në mënyrën më perfekte rastet që do të na jepen. Synimi i vetëm është fitorja", përfundoi Dule.