Zeqiri lihet pushim ndaj të kuqve

Kukësi pret sot Partizanin, takim i cili do të luhet në orën 14:00, në stadiumin "Zeqir Ymeri". Trajneri

Milinkoviç nuk do ta ketë të plotë grupin për këtë takim, ku mungesë kryesore konsiderohet Elis Bakaj, i cili është i pezulluar për shkak të plotësimit të numrit katër të kartonëve të verdhë. Mungesë surprizë për sot konsiderohet ajo e mesfushorit vlonjat, Hair Zeqiri. Sipas klubit, mesfushori është lënë jashtë për shkak se ka ndierë dhimbje që pas ndeshjes me Kamzën dhe aktualisht po vijon terapinë. Por, mbetet për t'u parë nëse kjo është arsyeja e vërtetë e mungesës së mesfushorit vlonjat në takimin e sotëm me Partizanin. Përpos këtyre mungesave, fitorja mbetet detyrim për kuksianët.