Turtulli pezull, nis java për Shënkollin
Tirana nis sot përgatitjet për javën e fundit të fazës së parë. Objektivi mbetet i pandryshuar dhe duhet thënë që kundërshtari i kësaj jave është më i panjohuri për këtë ligë. Me Shënkollin nuk kanë luajtur kurrë, atje ku do të udhëtojnë këtë fundjavë. Pas së dielës pushim, ekipi sot do të nisë stërvitjen. Pritet që si gjithnjë të kryhet një minianalizë për fitoren e fundit dhe të zhvillohet një seancë pa shumë ngarkesë. Mbetet për t'u parë gjendja e Marvin Turtullit. Ka shpresë riaftësimi, gjithsesi vetëm sot do të përcaktohet gatishmëria e tij. Me shumë interes do të shihet edhe çështja e formacionit, pra a do të vazhdojë Ze Maria t'i lërë në stol titullarët.