Diferenca e 10 pikëve është përmbysur 6 herë në histori
Diferenca e skuadrës kryesuese me ndjekësen e saj më të afërt prej 10- pikësh është përmbysur 6 herë në historinë e kampionatit spanjoll. Kjo statistikë bën që Reali dhe Atletiko duhet të besojnë në një remuntada, pavarësisht se një gjë e tillë nuk ka ndodhur në 20 vitet e fundit. Ajo ka ndodhur në vitet 1929, 1950, 1952, 1953, 1981 dhe 1992, por duhet të kujtojmë se nga 1929-1995 fitorja vlente 2 pikë. Më spektakolarja është përmbysja në sezonin 1928/ 29. "Los Blancos" kryesonin atëherë me 12 pikë diferencë, ndërsa Barcelona kishte vetëm 5. Kishin mbetur vetëm 11 javë deri në fund, çka do të thoshte vetëm 22 pikë. Reali është dorëzuar sërish në sezonin 1949/ 50. Ata kryesonin me 19 pikë pas 13 javësh, ndërsa rivalët e Atletikos renditeshin në vend të 11- të me vetëm 12 pikë.