Spaleti nuk do të ndalet as ndaj Kaljarit
"Ikardi-Real? Mauro e dashuron këtë fanellë, unë fle i qetë"
Luçiano Spaleti e përsërit vazhdi misht gjatë konferencave për shtyp: "Rezultatet varen nga mentaliteti që paraqesim për të marrë rezultatin". Mesazh i qartë për Interin e tij, të angazhuar mbrëmjen e sotme në Kaljari. "Vendet e para të klasifikimit nuk kanë arritur kurrë këtë rendiment të lartë. Nuk mund të gabojmë, asnjëherë: sepse përndryshe mbetemi jashtë zonës Champions", vijon tekniku zikaltër, këtë herë me një mesazh që vlen për fatet e sezonit. "Interi tashmë e ka reduktuar hendekun me Napolin, Juven e Romën, nuk është aspak momenti për t'u shpërqendruar".
"KURTHE" NË HORIZONT
Është një ndeshje që duhet fituar. Por, Kaljari i Diego Lopezit nuk është aspak një kundërshtar modest (Seria A të tillë po sheh shumë pak këtë sezon): me trajnerin e ri, të ardhur më 18 tetor, skuadra e Sardenjës ka nisur të shtojë ritmin, duke mbledhur 9 pikë në 5 ndeshje. Tashmë i takon "Big Luçianos" të ndërtojë strategjinë për sot, edhe pse me tri pikë, Interi i tij do qëndronte e vetme (qoftë edhe për një të mbrëmje të shtune) në krye të klasifikimit. "Kaljari e Lopez e dinë shumë mirë se si të na marrin pikë. I kanë përmirësuar paraqitjet, por ne e dimë si të sillemi". MENTALITETI
Ndryshime "Santonin nuk e zgjodha vetëm për Atalantën. Është një lojtar që di të mbrojë e të sulmojë, përdor shkëlqyeshëm si të djathtën po ashtu edhe të majtën. Kam vendosur të aktivizoj lojtarë fizikë. Shumë prej golave shënohen nga goditjet standarde dhe në ato raste jemi një skuadër e zonja, e vështirë për t'u markuar".
RIVALËT
"Jemi protagonistë të majave të klasifikimit dhe këtë vit 'lufta' me rivalët është shumë e afërt. Deri 5-6 sezone më parë, skuadra e pestë kishte 25 pikë, sot ndodhen pranë nesh nëse Lacio e Roma i fitojnë ndeshjet e prapambetura". Spaleti iu bashkua një Interi që ndodhej 30 pikë larg Juves, Romës e Napolit, kurse tani...: "Tani nuk është më kështu dhe kjo duhet të na japë shtysë për të mbajtur ritmin. Nuk mund ta ulim për asnjë moment përqendrimin". CHAMPIONS
Një mendim edhe për duelin
për vendin në Champions: "Askush nuk është rehatuar, mjafton një gabim dhe je jashtë. Duhet të kuptojmë si duhet të sillemi, pasi të gjithë po fitojnë ashtu si ne".
ZHOAO MARIO
"A e shoh Zhoaon të aftë të rifitojë vendin në formacion? Nëse ai vetë nuk do ishte i bindur, unë do e kisha shumë të vështirë. Unë dhe Interi duhet
të arrijmë rezultate të caktuara, nuk mund të hedhim në erë një moment të mirë për t'i dhënë dikujt kurajë. Personalisht e konsiderojë një prej atyre lojtarëve që mund të japin një kontribut për skuadrën. Unë nuk të jap minuta që të fitosh konfidencë, por që t'i japësh fitoren skuadrës". REAL-IKARDI
Spaleti e mbyll konferencën
me Ikardin dhe "sirenat" e zakonshme nga merkato: "I shqetësuar? E kush nuk do e donte... sipas meje e duan të gjithë. Pyeteni vetë Mauron. Jam i stërbindur se mund të qëndrojë përgjithmonë tek Interi. Kur flas me të, arrij të perceptoj se është i dashuruar me Interin, me qytetin, klubin, tifozët dhe shokët e skuadrës. Dhe unë fle i qetë".