Dinamo ndal 'esëlid#jen

oli i Ajazit nuk u mjafton miqve, një penallti e Likës nderon kryeqytetasit

Dinamo dhe Be sëlidhja mbeten te "X"-i. Një pikë që nuk u shërben aspak bluve dhe mban në vendin e dytë lezhjanët. Ndeshja e luajtur në orën 14:00 në Pezë, prodhoi nga një gol për pjesë. Interesimi nuk mungoi për skuadrën vendëse, sakaq nga Lezha kishin udhëtuar afro 30 veta. Loja ka nisur e shpejtë për vendësit dhe sinjalin e parë e japin dinamovitët me sulmuesi Çota, që provon të zërë në befasi miqtë me një gjuajtje nga 30 metra distancë, por topi kalon ngjitur me shtyllën pingule. Dinamo tregon menjëherë pretendimet e saj dhe mënyra më e mirë ishte duke ndalur lezhjanët. Të dyja skuadrat kërkonin të përfitonin, por gabimet shoqëronin njëratjetrën. Në të 33-ën Elmazi i ndodhur brenda zonës, kishte shansin për të kaluar kryeqytetasit në avantazh, por gjuajtja e tij përfundon jashtë. Atë që nuk e bëjnë vendësit, e bën Besëlidhja. Pas 3 minutash, Kamara nis një sulm të shpejtë nga krahu i majtë dhe shërben në zonë për Ajazin, që ndodhej në pozicion realisht të volitshëm, ai godet saktë dhe i zhbllokon shifrat në 0-1. Dinamo, edhe pse e shokuar, nuk dorëzohet dhe hedh direkt vështrimin nga porta e miqve. Edhe pse rastet s'i mungojnë, shpërdoron fatalisht, duke e mbyllur pjesën e parë në disavantazh. Loja rinis ndryshe, ndërsa duhet thënë që ka më shumë grintë dhe futboll të bukur. Në të 49ën Ndreca hedh një kros perfekt për Malajn në zonë, por gjuajtja e sulmuesit lë për të dëshiruar. Allmuça ndryshon diçka në formacion dhe skuadra sikur zgjidhet. Në të 57-ën mesfushori Tragaj merr iniciativën për të goditur portën lezhjane, por topi i goditur prej tij "qeth" shtyllën. Pa kaluar pak sekonda, Dinamo merr furmë lirisht. I sapofuturi në lojë Lika shfrytëzon më së miri një top të marrë prej Peqinit, futet në zonën e rreptësisë dhe në momentin e goditjes pengohet në mënyrë të gabuar prej Ndrecës. Gjyqtari nuk heziton dhe akordon penallti. Është vetë Gresild Lika që e merr përsipër dhe nuk gabon pasi e dërgon topin në rrjetë. Besëlidhja mundohet, por në të 63-ën Kamara gjen rezistencën e portierit Saraçi. Dinamo do që të gjejë avantazhin, por sulmuesit nuk janë të qetë në finalizim, sikundër ngjau në të 86-ën para kohës së rregullt me Çotën. Një minutë para fundit të kohës së rregullt ka panik në portën e Dinamos, kur Ajazi gjuan me kokë, por topi kalon vetëm ngjitur me shtyllën e traversës. Shtesa nuk sjell më surpriza dhe për pasojë gjithçka mbyllet në shifrat 1-1.