Vuan Reali, e shpëton Ronaldo

Benzema dhe " R!" shënojnë sërish pas AP%EL(it, miqtë akuzojnë për një gol të anuluar

Tre gola për tri pikë për Realin, por sa shumë vuajtje... Kundër Malagës, që në "Santiago Bernabeu" nuk kishte fituar kurrë, skuadra e Zinedin Zidanit arrin t'ia dalë me rezultatin 3- 2, por duke u kapur dy herë pas avantazhit të tyre. Kjo konfirmon se suksesi 6- 0 që mundën APOEL-in nuk ka zhdukur si me magji vështirësitë evidente të kampionëve të Europës në këtë fillimsezoni. KASEMIRO "QETËSUESI" Pa Bejlin, Ramosin, Naçon dhe Asension, Zidan la jashtë edhe Modriçin dhe Sebajosin, duke vazhduar rrotacionin e gjerë që praktikon që nga fillimi i sezonit. Gjithsesi, nëse loja nuk është perfekte, të paktën Benzema konfirmon se e ka lënë pas shpatulla krizën e golit dhe pas 9 minutash, ai u gjend në vendin dhe në kohën e duhur, teksa topi i karamboluar në traversë, pas goditjes së Ronaldos, u shty në rrjetë nga francezi, i cili festoi golin e dytë në kampionat. Ai që dukej si starti i një goleade mbaron pas 9 minutash, sepse Malaga barazon me Rolan. Gjithsesi, sapo tifozët vendës nisën vërshëllimat e para për ekipin e tyre, ai që i qetëson shumë shpejt është Kasemiro, me kokë, pas goditjes së këndit të Krosit. Miqtë irritohen sepse pak sekonda më parë

kishin parë t'u anulohej një gol me kokë i Bajsit, pasi i ishte mbështetur në zonë Karvahalit, një vendim shumë i dyshimtë.

RIKTHEHET RONALDO Me pjesën e parë të mbyllur në avantazh, nga Reali i Madridit pritej më shumë agresivitet në fraksionin e dytë të lojës, por ata që dinë të shfrytëzojnë më së miri gafat e të zotëve të shtëpisë janë Malaga. Këtë herë, ai që gabon në markim është Varan, i cili i lejon Kastros që të kontrollojë topin dhe të mposhtë portierin Kasija, i cili gjithashtu reagoi me shumë vonesë. Një dopio gabim madrilen dhe barazim 2-2 në të 58-ën. Në këtë moment, Zidan vendos të hedhë në lojë Modriçin, ndërsa Ronaldo gabon një gol gjysmë të bërë nga 3 metra. Episodi deciziv do të jetë ai i minutës së 75-të. Modriç merr një top në zonë dhe Hernandez e çekuilibron. Për arbitrin është penallti dhe nga pika e bardhë, Ronaldo sheh tentativën e parë me të djathtën që t'i ndalohet nga portieri, por "CR7" vrapon më shpejt se të tjerët te topi i rikthyer në lojë dhe me të majtën këtë herë tund rrjetën. Kaq mjafton që Reali të marrë tri pikë të vuajtura ndaj Malagës.