Hënes: Hejnkesit do t i ofrojmë rinovimin, Vagner drejt dështimit
Fjala e presidentit të Bajernit në Asamble
Asambleja e përvitshme e Bajernit solli surpriza si në shifra, ashtu edhe për lajmet që prodhoi. "Fjalimi im do ndahet në dy pjesë, në atë të mërzitshmin, ku do lexoj disa shifra dhe pastaj do heq fletën e do filloj siç duhet", paralajmëroi presidenti Uli Hënes, i cili sulmoi mediat për kritikat pas vendimit të klubit për të rizgjedhur trajner Hejnkesin, por edhe ato ndaj drejtorit sportiv, Salihamixhiç. Pastaj mbrojti me ironi atë që quhet "banda e pensionistëve" (hiearkinë e moshuar të klubit). Por, nuk munguan as lajmet. I pari ishte që Bajerni do bëjë çmos ta mbajë Hejnkesin edhe për një tjetër sezon, ndërsa komunikoi gjithashtu se një marrëveshje për transferimin e Vagnerit nga Hofenhaimi do jetë shumë i vështirë.
HEJNKES - "A mund të qëndrojë Hejnkes edhe sezonin tjetër? Nuk e përjashtoj, mund të jetë e mundur. Sot nuk do doja të përjashtoja asgjë. Se çfarë do ndodhë do e shohim në të ardhmen. Vagner? Çështja është te shuma e transferimit dhe me sa di, në këtë pikë jemi shumë larg. Ndoshta marrëveshja do dështojë".
DREJTUES TË PLAKUR - "Me mua, Rumenigen, Vohlfahrtin dhe Hejneksin, mund të thuhet që te Bajerni është mbledhur një bandë pensionistësh. Ndoshta ne nuk mund të vrapojmë më shpejt, por truri ynë punon 100% dhe do kujdesemi të gjithë që për ju ky ekip të jetojë. Është shumë e vështirë në një kohë kur nuk luan vetëm kundër ekipeve, por kundër shteteve të tëra. Tani kemi kundërshtarë Katarin, Abu Dabin, oligarkë rusë e miliarderë amerikanë. Nuk është e lehtë, duhet të jesh krijues. Nëse ata hapin pak më shumë çezmën e naftës fitojnë 100 milionë dollarë më shumë. Por, kjo nuk është njësia matëse për ne. Prandaj duhet
të jemi krijues, inteligjentë dhe ashtu siç ja kemi dalë gjithmonë, ta çojmë këtë ekip aty ku e kemi dashur gjithmonë". SHKARKIMI I ANÇELOTIT - "Nëse asamblenë vjetore do e kishim pasur përpara 6 javëve, atëherë do ishim më pak të lumtur. Ishte ajo natë e Parisit që e zgjoi këtë ekip. Akoma natën, e gjithë
kryesia e ekipit bashkë me mua dhe Hasanin vendosi pikat mbi 'i' për atë që kemi parë këto 6 javët e fundit. Është një fat i madh që arritëm të sillnim në Mynih Hejnkesin. Ajo mbrëmje e Parisit u bë shkak që unë dhe Rumenige të bashkoheshim sërish. Nuk ishte e lehtë pas rikthimit tim, të gjenim një linjë të përbashkët".