Vllaznia dy “shkelma” krizës, Kamza për Europë
Kamzalinjtë përmbysin Lushnjën me një super-Plaku, Dedja akuzon arbitrin
Vllaznia i është rik thyer rrugës së fi toreve, pasi dje ka arritur të sigurojë një tjetër trepikësh të domosdoshëm përballë Luftëtarit në stadiumin "Loro Boriçi". Nën një shi të rrëmbyeshëm, kuqeblutë kanë triumfuar dhe i janë shkëputur fundit të tabelës së klasifikimit, ndërsa kanë zhytur aty Luftëtarin që, edhe pse është munduar shumë dhe ka shpenzuar energji, nuk ia ka dalë të marrë të paktën një pikë në këtë ndeshje. Tashmë bluzinjtë e shohin veten tri pikë larg mbijetesës, çka e vështirëson edhe më shumë punën e tyre në aspektin psikologjik për ndeshjet e ardhshme.
PJESA E PARË
Me objektivin e vetëm për të fituar në shtëpi, Vllaznia hidhet në sulm që në minutat e para dhe goli nuk do të vonojë. Në minutën e 8-të, Lika merr përsipër të ekzekutojë një goditje dënimi në distancë të konsiderueshme nga porta e Ruçit. Mesfushori kroson një top, i cili merr një trajektore të rrezikshme dhe, duke përfituar nga një devijim i lehtë i Ramadanit që, gjithsesi nuk i ndryshon drejtimin, përfundon në rrjetë. 1-0 dhe shkodranët nisin festën, por trajneri Gjoka kërkon përqendrim, ndërkohë që bluzinjve u duhen pak minuta për të marrë veten, çka bën që vendasit të rrezikojnë edhe një herë tjetër me një gjuajtje të Gurishtës me kokë, por këtë herë portieri tregohet i kujdesshëm. Pas minutës së 20-të, Luftëtari reagon dhe nis ofensivën në drejtim të portës kuqeblu, por Bregu e Abazaj nuk kombinohen mirë me njëri-tjetrin, ndërsa Zguro e Rroca janë shumë larg tyre. Kjo u jep mundësi shkodranëve që të kenë më shumë hapësira në prapavijën kundërshtare, por nuk tregohen të saktë, pasi Çinari në minutën e 34-t do të shpërdorojë një rast të artë përballë portierit mik. Dhe kur nuk shënon e pëson. Tre minuta nga fundi i pjesës së parë, Bregu merr përsipër ekzekutimin e një goditje dënimi nga një distancë prej më shumë se 20 metra. Sulmuesi bluzi nxjerr nga repertori i tij një silurë dhe e dërgon topin atje ku portieri Ruçi nuk mund ta ndalte. Barazimi bën që bluzinjtë të shkojnë të qetë në dhomat e zhveshjes. PJESA E DYTË Fraksioni i dytë i takimit është më i mirë për Luftëtarin.
Bluzinjtë kërkojnë me ngulm edhe golin e fitores. Bregu, në minutën e 54-t, kroson saktë në zonën kundërshtare dhe Lamçe me kokë në rënie e sipër gjuan me kokë një top që, pasi përplaset në tokë, shkon në duart e portierit. Tri minuta më vonë do të jetë vetë Bregu, i
cili këtë herë provon me një gjuajtje nga distanca, por është i pasaktë. Me kalimin e minutave, në këmbët e lojtarëve nis të ndihet dhe lodhja ndikuar edhe nga terreni i rënduar prej shirave. Megjithatë, Abazaj në minutën e 71-të vë në provë
Selimajn me një gjuajtje të fortë nga kufijtë e zonës, por ky i fundit arrin të grushtojë. Kur dukej se ndeshja do të shkonte në një barazim, vjen goditja fatale për miqtë. Një krosim nga krahu i majtë i sulmit i Hajdarit kthehet në asist për Likën, i cili në shtyllën e dytë i ka shpëtuar
mbulimit të Zguros dhe, sapo topi prek tokën, e gjuan fort në drejtim të portës kundërshtare, ku Ruçit i kalon sfera mes duarve dhe përfundon në rrjetë. Te kuqeblutë ka festë, ndërsa minutat e mbetura nuk sjellin golin e barazimit për Luftëtarin.