Tifozët i puthin dorën, tani është “Don Ikardi”
Protagonist brenda dhe jashtë fushe, me dopietën në Kaljari arrin shifra të frikshme
Mesatare pikësh për titull, klas ifikim për rekord dhe një grup që duket gjithmonë e më shumë i bashkuar. Pikërisht te ky i fundit pasqyrohet merita e madhe e Luçiano Spaletit, i aftë të rindërtojë një skuadër që deri pak muaj më parë ishte vetëm "hija" e asaj aktuales. Një tjetër provë e drejtpërdrejtë vjen edhe nga njeriu më i rëndësishëm, Mauro Ikardi, i cili me dopietën në Kaljari arriti kuotën 15 në klasifikimin e golashënuesve. Kapiteni i zikaltërve, në shoqërinë e bashkëshortes- menaxhere Vanda Nara, i ka lejuar vetes disa orë relaksi në Firence për të mbështetur Roçio Rodrigezin, gruan e shokut të skuadrës, Borha Valero, e angazhuar dje në maratonën e organizuar në bregun e lumit të Arnos.
SI "MBRET"
Në Firencë, gjatë maratonës së "Lady" Valeros, Ikardi, pavarësisht shiut të madh, është vendosur në krah të rrugës me një trumbetë si tifoz i vërtetë. Duke bërtitur me zë të lartë "Vamos Rooo" për të mbështetur partneren e mikut spanjoll. Një "kartolinë" e bukur, po ashtu si ajo puthje në dorë që nga një prej maratonistëve i ka rezervuar në mes të manifestimit. Dhe "Don Ikardi" ia ktheu me buzëqeshje. Pra, situata tek Interi nuk mund të ishte më e mirë. Dhe e konfirmojnë episodet dhe statistikat... "mbretërore".
RITMI I BOMBERIT Në këto 14 javë të para, skuadra e Spaletit ka mahnitur për soliditetin e shfaqur, veçanërisht në repartin e mbrojtjes ( vetëm 10 gola të pësuar). Por, është pa dyshim numri 9 një nga nismëtarët e "rilindjes" që i vendos zikaltrit mes pretendentëve për titull. Edhe në sezonet më të vështira të
zikaltërve, sulmuesi nuk ka reshtur asnjëherë së shënuari rregullisht: për krahasimin e radhës me goleadorët interistë, kapiteni ( duke cituar statistikat e Opta- s) është lojtari i tretë zikaltër që ka shënuar së paku 15 gola në katër kampionate
radhazi të Serisë A, pas Istvan Najers ( mes sezoneve 1949-' 53) dhe Xhiuzepe Meacës ( mes 1930-' 36). Ndër të tjera, me dy golat në Sardenjë, bomberi argjentinas ka në total pesë dopieta ( kundër Fiorentinës, Romës, Sampdoriës,
Atalantës dhe Kaljarit) dhe një tripletë ( ndaj Milanit në derbi) për këtë sezon: askush në Europë nuk është dalluar për një statistikë të tillë këtë sezon. Shifra të jashtëzakonshme, duke menduar që Maurito është vetëm 24 vjeç.