Milan heq Montelën, Gatuzo trajneri i ri
Krerët vendosën gjatë natës, ikja e “Aeroplanit” habiti ekipin
Në paraditen e djeshme, rreth orës 11.00, klubi i Milanit, nëpërmjet një deklarate për shtyp, komunikoi shkarkimin e Vinçenco Montelës. Ky është shkarkimi i parë i epokës kineze. Pika e marrë ndaj Torinos, ishte ajo që me sa duket mbushi kupën me skuadrën që tashmë do të drejtohet nga trajneri i ekipit të të rinjve Xhenaro Gatuzo. Në 64 ndeshjet që drejtoi kuqezinjtë, Montela fitoi 32 dhe humbi 18 (6 në këtë sezon). Burime pranë klubit milanez bëjnë të ditur se vendimi është marrë në orët e para të së hënës pas një bisede të gjatë mes drejtuesve italianë dhe presidentit kinez Jonghong Li.
SHKARKIMI - Me Marko Fasonen e pranishëm në zyrat e Ligës Italiane të Serisë A, ka qenë Masimiliano Mirabeli që i ka komunikuar vendimin Montelës nëpërmjet telefonit. Drejtori sportiv ka mbërritur në qendrën stërvitore të "Milanellos" pak pas bërjes publike të lajmit. Mësohet se edhe lojtarët janë shtangur nga ky ndryshim që me sa duket ka qenë i papritur edhe për ata. Duke u bazuar në rezultatet e fundit, ekipi nuk e kupton këtë zgjedhje të presidencës.
ROKADAT - Teksa Montela përgatitej për largimin, skuadra është stërvitur nën urdhrat e Mauro Inauratos, përgatitësi atletik i mbërritur në klub vetëm një javë më parë. Xhenaro Gatuzo është paralajmëruar disa ditë më parë për mundësinë e drejtimit të ekipit të parë, por nuk ka qenë në dijeni të ndryshimit të djeshëm dhe paraditen e së hënës ndodhej për vizitë në burgun e "San Vittore"-es. Për sa i përket vendit të tij te ekipi i të rinjve, ai do t'i besohet Alesandro Lupit, tekniku aktual i Milanit U-17.
MONTELA - Vetë Vinçeno Montela ka pranuar vendimin e klubit dhe në daljen e tij nga qendra stërvitore e "Milanellos", është ndalur pak minuta për mediat. Ish-trajneri kuqezi ka falënderuar klubin, tifozët dhe skuadrën duke i uruar suksese pasardhësit të tij. Mbi arsyet e shkarkimit ai deklaroi: "Është shkarkimi im i parë si trajner. Më vjen keq për skuadrën që në këto muaj më kanë dhënë shumë, fanellën dhe tifozët. Jam i vetëdijshëm se kam dhënë më të mirën. Ndërgjegjen e kam të pastër dhe e di se kam gabuar disa herë. Nuk prisja të shkarkohesha sot (dje), por i klubi ish-
te i pakënaqur me rezultatet dhe në të tilla situata është e drejtë që të paguajë trajneri".
EKIPI DHE KLUBI - Në lidhje me marrëdhënien me futbollistët, Montela ka sqaruar: "Raporti me lojtarët ishte i shkëlqyer dhe jam krenar që isha pjesë e Milanit. Edhe me klubin
nuk kisha as më të voglin problem". Montela nuk preferoi të fliste për faje dhe fajtorë, por në fjalët e tij u pa dëshira për të mos mbajtur të gjitha përgjegjësitë mbi vete. "Detyrat zakonisht ndahen, por në këtë rast faji është i trajnerit që nuk arriti të respekton afatet dhe
objektivat e paracaktuar në fillim të sezonit. Të gjithë kemi gabuar nga pak, por për sa i përket anës teknike, marr përsipër çdo përgjegjësi", tha ishtekniku kuqezi përpara se të mbyllte xhamin e makinës e të dilte për herë të fundit nga portat e "Milanello"-s.