Tirana humbet tifozët, ja dënimet për grushtet dhe shkelmat
Komisioni i Disiplinës zhvilloi dje mbledhjen e radhës ku u dhanë dënimet për ngjarjet e dhunshme që u regjistruan në stadiumet shqiptare gjatë fundjavës së kaluar. Bien në sy dënime kryesisht në kategoritë inferiore për dhunë apo goditje ndaj kundërshtarit. Por, sërish ka shumë diferenca mes dënimeve për të njëjtin akt. Ja të gjitha vendimet e djeshme të Disiplinës.
1. KF Laçi, për sjellje të gabuar të tifozërisë duke përdorur fjalë ofenduese në kor, duke hedhur gurë e mjete ndezëse brenda rrethimit të fushës së lojës, duke shkaktuar akte dhune ndaj lojtarëve e zyrtarëve të ekipit kundërshtar, në bazë të nenit 66/ 3/a) të KDS, dënohet me zhvillimin e dy ndeshjeve pa spektatorë në stadiumin përkatës.
2. KF Kukësi, detyrohet të zhdëmtojë të gjitha dëmet materiale të shkaktuara në stadiumin e KF Laçi gjatë ndeshjes Laçi-Kukësi, luajtur më datë 25.11.2017.
3. KF Tirana, për sjellje të gabuar të spektatorëve duke hedhur mjete ndezëse, dënohet me një ndeshje pa spektatorë në stadiumin përkatës.
4. Lojtari i KF Delvina, Ardian Xhibro, për sjellje jo sportive ndaj zyrtarit të ndeshjes, dënohet me tetë ndeshje pezullim nga aktiviteti.
5. KF Delvina, për sjellje të gabuar të spektatorëve duke përdorur fjalë fyese dhe hedhur mjete ndezëse brenda rrethimit të fushës, dënohet me gjobë në masën 100.000 lekë dhe zhvillimin e katër ndeshjeve pa spektatorë në stadiumin përkatës. Në zbatim të nenit 136/1/b) të KDS, gjoba të aplikohet në masën 20%. 6. Zyrtari i KF Tomori, Albano Ziu, për sjellje jo sportive ndaj zyrtarit të ndeshjes, dënohet me tetë ndeshje pezullim nga aktiviteti duke iu ndaluar qëndrimi në stolin e rezervave, dhomat e zhveshjes dhe territorin përreth fushës së lojës.
7. Lojtari i KF Naftëtari, Lorenc Koçi, për sjellje të keqe ndaj kundërshtarit duke përdorur lojë të rëndë dhe duke e sulmuar fizikisht, dënohet me gjashtë ndeshje pezullim nga aktiviteti. 8. Lojtari i KF Shkumbini, Emilian Lluca, për sulm ndaj lojtarit kundërshtar, dënohet me pesë ndeshje pezullim nga aktiviteti. 9. Lojtari i KF Naftëtari, Xhafer Kajo, për sulm me grusht ndaj kundërshtarit, dënohet me pesë ndeshje pezullim nga aktiviteti. 10. Lojtari i KF Shkumbini, Fadil Meta, për sulm me grusht ndaj kundërshtarit, dënohet me pesë ndeshje pezullim nga aktiviteti.
11. Lojtari i KF Maliqi, Nikolin Rapo, për sjellje të gabuar ndaj zyrtarit të ndeshjes duke përdorur fjalë ofenduese, dënohet me katër ndeshje pezullim nga aktiviteti.
12. Lojtari i KF Këlcyra, Aristidh Coli, për lojë të rëndë ndaj lojtarit kundërshtar, dënohet me dy ndeshje pezullim nga aktiviteti.
13. KF Këlcyra, paralajmërohet se në rast përsëritje të sjelljes së gabuar të spektatorëve do të ndërmerren masa disiplinore. 14. KS Korabi U-19, për mosparaqitje në ndeshjen me KF Spartaku U-19 të luajtur më datë 26.11.2017, dënohet me humbjen e ndeshjes në tavolinë me rezultatin 3-0 dhe zbritjen e 3 pikëve nga klasifikimi.
15. Zyrtari i KF Tirana U-17, Migen Memelli për protesta të vazhdueshme dhe fjalë ofenduese ndaj zyrtarit të ndeshjes, dënohet me dy ndeshje pezullim nga aktiviteti dhe me gjobë në vlerën 100.000 lekë.
16. Zyrtari i KF Porto U-17, Dritan Smajli, për protesta të vazhdueshme dhe fjalë ofenduese ndaj zyrtarit të ndeshjes, dënohet me dy ndeshje pezullim nga aktiviteti dhe me gjobë në vlerën 100.000 lekë.
17. Lojtari i KF Akademia AAS U-17, Enes Ramja, për sjellje jo sportive ndaj zyrtarit të ndeshjes, dënohet katër ndeshje pezullim nga aktiviteti.
18. KS Korabi U-17, për mosparaqitje në ndeshjen me KF Spartaku U-17 të luajtur më datë 26.11.2017, dënohet me humbjen e ndeshjes në tavolinë me rezultatin 3-0 dhe zbritjen e tri pikëve nga klasifikimi.
19. Rrëzimin e kërkesës së lojtarit të KF Sopoti, Shaqir Jugu, si të pabazuar në dispozitat e Kodit të Disiplinës Sportive.