Sakrificë, presing e mbrojtje, ja stili dhe mentaliteti i Gatuzos
Ndryshim. Të hënën ishte dita e emërimit të Gatuzos, të martën e konferencës për shtyp, të mërkurën nisëm stërvitjet masakruese. Bota e Milanit për 72 orë ka folur për Gatuzon, ka rikujtuar vrapimet e tij në finalen e Ligës së Kampionëve. Një "zhytje" në shpirtin e Rinos. Benevento-Milan (që do luhet nesër), megjithatë është pranë, ndaj pyetjet ndryshojnë. Për shembull: ky Milan, si do të luajë?
NDESHJA - Për ta kuptuar më mirë (së paku një pjesë të principeve të lojës) mund të shikohet një ndeshje e të rinjve të Gatuzos. Milan-Juve e 18 nëntorit është më e përshtatshmja: është sfida e vetme (jo për rezultatin) në dy muaj e gjysmë, të cilën Milani e ka humbur, por për shkak të vlerës së kundërshtarit.
MENTALITETI - Gatuzo karakterizohet nga grinta. Është skenik dhe zëri i tij mbulon zhurmat e stadiumit. Me shumë mundësi do veprojë kështu edhe ndaj Beneventos, Rino ka kërkuar falje më përpara. Për sa i përket taktikës: Milani e nis me modulin 3-4-3, sistemi i lojës që pritet edhe për sfidën e drekës së nesërme. Do ketë ndryshime, por nisja është ajo, me kërkesë të madhe agresiviteti dhe me sulmues shpeshherë të vetmuar. Ndeshja përfundoi 0-1, por pak rëndësi ka: ishte vendimtare goditja e dënimit e Pjacës. Rëndësi ka mendësia. Sulmuesit janë në punë edhe në fazën e lojës pa top, më shumë nga se milanistët ishin mësuar të shikonin me Montelën. Interesante edhe situatat më specifike. Anësorët e mesfushës kur duhet mbrojtur, tërhiqen drejt qendrës për të formuar një linjë pesëshe. Kur përpiqet të ndryshojë ndeshjen, më pas, Gatuzo avancon qendërmbrojtësin (në këtë rast El Halilin) si "regjisor" (mbrojtja në atë pikë kalon me katër). Milan Primavera kundër Juves nisej jo si favorit, ndërsa në Benevento është e pashmangshme: ndeshjen duhet ta bëjnë kuqezinjtë.