Shorti Shorti i i Botërorit, Botërorit, Lëv premton: Fiton Fiton sërish sërish Gjermania
Është Botërori i emigrantëve, ja skaneri për 32 skuadrat Zbardhet kalendari i plotë i ndeshjeve, Nejmar: Brazilin e kanë frikë të gjithë
Më mirë se kaq nuk mund të shkonte. Të paktën, askush nuk do të akuzojë se në Moskë u përdor metoda e goglave të nxehtë sepse të gjitha kombëtaret mund të jenë të kënaqura me kundërshtarët e tyre. Nuk ka grupe "ferri" as rivalë të vështirë në rrugëtimin drejt finales së Kupës së Botës. Ditën e djeshme, 32 skuadrat e kualifikuara mësuan kundërshtarët dhe grupet më interesante ishin ata që vinin përballë Portugalinë me Spanjën, Anglinë me Belgjikën dhe Argjentinën me Kroacinë. Gjermania do të ketë Suedinë dhe Meksikën, ndërsa të zotët e shtëpisë do të kërkojnë kualifikimin ndaj Uruguait, Egjiptit dhe Arabisë Saudite. Pikërisht ky do të jetë kundërshtari që do të startojë Botërorin në 14 qershor të vitit 2018. Gazeta spanjolle "AS" ka bërë një skaner për të gjitha skuadrat që do të luajnë në kompeticionin më të rëndësishëm të futbollit.
RUSIA - Nuk vjen në momentin më të mirë futbollistik, në Botërorin që po zhvillon vetë. Diçka të tillë e tregoi në Kupën e Konfederatave. Trajneri Çerçesov, në 16 ndeshje, ka arritur 5 fitore, 5 barazime dhe 6 humbje. Ylli Aleksandër Kokorin do të tentojë të udhëheqë ekipin në festën e madhe të futbollit rus. Formacioni ( 3 - 5 - 2)\: Akinfejev, Dzhikija, Vashin, Kudrashov, Samedov, Erokhin, Glushakov, Smolov, Kokorin.
ARABIA SAUDITE - Rikthehet në Botëror pas 11 vitesh. Një kombëtare e "panjohur" që mund t'u hapë shumë probleme rivalëve të grupit. Federata nuk e rinovoi kontratën e Bert Van Marvijk dhe emëroi Picin. Ylli i skuadrës është Al Salhavi dhe ka formacionin 4 -3 -3: Al Maiuf, Al Shahnani, Hausavi Os, Hausavi Al, Harbi, Otaif, Al Jasim, Al Farajh, Al Shehri, Al Sahlavi, Al Abid.
EGJIPTI - Faraonët rikthehen në Botëror. Luajnë për herë të 3 -të në një kompeticion të tillë pas 1934 dhe 1990. Trajneri i skuadrës është Hektor Kuper që ka 20 fitore, 4 barazime dhe 6 humbje. Formacioni egjiptian do të udhëhiqet nga sulmuesi Muhamed Salah (4 -2 -3 -1): El Hadari, Fathi, Rabia, Hegazi, Abdel Shafi, Elneni, Hamed, Salah, El Said, Sobhi, Koka.
URUGUAI - Kombëtare e rinovuar, por me ambicie. Oskar Tabarez e njeh mirë skuadrën e tij dhe do të kërkojë të bëjë surprizën. Në 133 ndeshje ka 59 fitore, 32 barazime dhe 42 humbje. Ylli i skuadrës është Luis Suarez. Ky është formacioni i kombëtares uruguaiane (4 -4 -2): Muslera, Varela, Gimenez, Godin, Silva, Nandez, Valverde, Vesino, Rodrigez, Kavani, Suarez.
PORTUGALIA - Në Rusi shkon me petkun e kampionit të Europës dhe me Kristiano Ronaldon, i cili do të kërkojë të "pushtojë" Botën. Në stol është "gjenerali" Fernando Santos, ndërsa ylli i ekipit dihet... Ky është formacioni me të cilin do të tentohet mrekullia (4 -4 -2): Rui Patrisio, Sedrik, Pepe, Fonte, Elizeu, Zhoao Mario, Kavalho, Mutinjo, Bernardo Silva, Ronaldo, Andre Silva.
SPANJA - Brez i ri, objektiva të njëjta. Hulen Lopetegi shkon në Botëror me 12 fitore, 4 barazime dhe 0 humbje. "Furia e kuqe" është shumë ambicioze dhe paraqitet si ekipi favorit për të triumfuar. Ylli i skuadrës është Isko dhe moduli i përdorur 4 -3 -3 sulmues: De Gea, Karvahal, Pike, Ramos, Hordi Aalba, Buskets, Silva, Tiago, Isko, Iniesta, Morata.
MAROKU - Për herë të fundit ka luajtur në Botëror në vitin 1998 dhe këtë herë gjeti shkëlqimin e humbur. Herve Renard bëri realitet ëndrrën e këtij kombi nën udhëheqjen e sulmuesit Nordin Amrabat. Formacioni 4 -2 -3 -1: Munir, Dirar, Benatia, Sais, Ashraf, Busufa, El Ahmadi, Amrabat, Belhanda, Zijeh, Butaib.
IRANI - Formacioni i Karlos Keirozit po dominon në vitet e fundit futbollin aziatik dhe siguroi kualifikimin në Botëror për të dytën herë radhazi. Ylli i ekipit është sulmuesi i Rubin Kazanit, Sardar Azmun. Formacioni 4 -3 -3: Beirandvand, Rezaeian, Hyseini, Puraliganji, Mohamadi, Ezatolahi, Shojaei, Hajfasi, Jahanbaksh, Azmun, Taremi.
FRANCA - Një kombëtare e re dhe me shumë mundësi. Shumë lojtarë po shkëlqejnë me ekipet e tyre dhe japin shpresë për trajnerin Deshamp. Në kombëtare ka shumë yje, por ai që shkëlqen më shumë është Mbape. Formacioni (4 -2 -3 -1): Lori, Sidib, Varan, Umtiti, Kurzava, Kante, Pogba, Mbape, Grizman, Lemar, Lakazet.
AUSTRALIA - Ia dolën të siguronin biletën për në Rusi përmes "play off" -it, por për momentin nuk kanë një trajner që do t'i drejtojë. Posteçoglu dha dorëheqjen, por ylli i ekipit, Aron Moj, është aty. Formacioni: Rajan, Rajt, Hurman, Sainsburi, Leki, Milligan, Jedinak, Behiç, Moj, Rogiç, Kahill.
PERUJA - Botërorin e fundit e ka luajtur në vitin 1982, por kombëtarja bardhekuqe arriti të bënte realitet ëndrrën e 3 gjeneratave. Rikardo Gareca në 37 ndeshje ka 16 fitore, 10 barazime dhe 11 humbje. Ylli i skuadrës është Paolo Guerrero dhe formacioni ( 4 - 1 - 4 - 1): Galese, Avdinkula, Ramos, Rodrigez, Trauko, Tapia, Karijo, Farfan, Kueva, Flores, Guerrero.
DANIMARKA - Në Europianin Francë 2016 i la jashtë Shqipëria, por ata nisën një projekt ambicioz dhe ia dolën të prisnin biletën për në Rusi. Skuadra është rritur shumë nën drejtimin e Age Haraid. Formacioni i tij i preferuar është 3 -5 - 2: Shmajkel, Kjaer, Kristensen, Bjelland, Poulsen, Kvist, Delanej, Larsen, Eriksen, Jorgensen, Pione Sisto. Ylli i ekipit është Kristian Eriksen.
ARGJENTINA - Trofeu që i mungon gjeniut të futbollit. Lionel Mesi do të tentojë të thyejë mallkimin dhe të ngrejë Kupën që do ta bënte më të mirin e të gjitha kohërave... Me Sampaolin ka nisur një rrugëtim të ri, i cili bazohet në skemën e çuditshme 3 -3 -1 -3: Romero, Merkado, Maskerano, Otamendi, Banega, Bilja, Enzo Perez, Mesi, Aguero, Salvio, Di Maria. Ylli Leo Mesi ndoshta ka shansin e fundit...
ISLANDA - Sërish një kombëtare që bën histori. Ka vetëm 331 mijë banorë dhe siguroi një vend në "tavolinën e të mëdhenjve" për herë të parë duke lënë jashtë Turqinë dhe Ukrainën. Ylli i skuadrës është Gylfi Sigurdson dhe trajnerit Hallgrimson i pëlqen moduli 4 -4 -2: Halldorson, Saevarson, R. Sigurson, Arnason, Magnuson, Hallfredson, Gunarson, Gudmunson, G. Sigurdson, Bjarnason, Bodvarson.
KROACIA - Ishte e vështirë, por ia doli të jetë për herë të pestë në histori në një Botëror. Emra kampionësh dhe grup fantastik. Një kombëtare që mund të ëndërrojë. Në drejtimin e ish -trajnerit të Dinamos, Daliç, dhe me eksperiencën e yllit Modriç, do të tentojnë surprizën. Ky është formacioni i mundshëm: Subashiç, Vrsaljko, Lovren, Vida, Striniç, Rakitiç, Badelj, Kramariç, Modriç, Perisiç, Manxukiç.
NIGERIA - "Shqiponjat" kërcënojnë se do të fluturojnë shumë lart. Janë një nga ekipet më të forta në kontinentin afrikan dhe duan të tregojnë se në Rusi nuk shkuan rastësisht. Ylli i skuadrës është Viktor Moses, ndërsa trajneri Gernot Rohr pëlqen ta rreshtojë ekipin me 4 -3 -3: Ezanva, Shehu - Trost, Ekong, Balagun, Eçiejile, Ndidi, Onazi, Mikel, Moses, Ihenaço, Simon.
BRAZILI - Njeriu i "hekurt", Tite, ka rikthyer Brazilin e kohëve të arta. Në eliminatore siguruan kualifikimin shumë shpejt, por është koha të tregojnë forcën edhe në Rusi. Ylli i ekipit, Nejmar, dëshiron të sfidojë Mesin dhe Ronaldon, ndër-