Guardiola kërkon rekordin e Arsenalit
Sulmi më i fortë përballë mbrojtjes më të dobët të kampionatit
Rekordi prej 12 fitoresh radhazi i Mançester Sitit në Premier Ligë këtë sezon, është i treti më i mirë në historinë e kampionatit anglez (Çelsi, 13 fitore radhazi në 201617 dhe Arsenali (13, në 200102). Rekordin e fitoreve radhazi të të gjitha kohërave e mban Arsenali me 14 suksese radhazi vendosur shkurt-gusht 2012 dhe skuadra e Guardiolës do të bëjë një tjetër hap drejt tij në rast se sot do të mundë Uest Hemin e Dejvid Mojesit në "Etihad". Statistikat
- "Qytetarët" nuk munden në 27 ndeshjet e fundit në të gjitha kompeticionet
(23 fitore, 4 barazime). - Rahim Sterling ka shënuar golin e fitores në minutën e 84-t apo më vonë 4 herë gjatë këtij sezoni, përfshirë 3 ndeshjet e fundit të
skuadrës së tij.
- Nëntë golat e Sterlingut këtë sezon në Premier Ligë e kanë barazuar rekordin e tij të gjithë sezonit të shkuar. - Mançester Siti dhe Uest Hemi u përballën 3 herë gjatë sezonit të shkuar në të gjitha kompeticionet dhe "qytetarët" i fituan të tria ndeshjet me golavarazhin e përgjithshëm 12-1.
- "Çekiçët" kanë fituar vetëm 3 nga 25 përballjet e fundit në të gjitha kompeticionet, duke barazuar 5 dhe humbur 17. Ndërsa në Premier Ligë, bilanci i 20 takimeve të fundit është 13 fitore për Sitin dhe 4 barazime.
- Skuadra e Dejvid Mojesit nuk fiton prej 7 ndeshjesh në kampionat, ku ka barazuar 3 dhe ka shënuar vetëm 5 gola.
- "Çekiçët" kanë pësuar numrin më të lartë të golave këtë sezon ( 30). Përballë do të kenë skuadrën që ka shënuar më shumë, 44.
- Një humbje për londinezët do të vendoste rekordin e ri për klubin që ka grumbulluar më pak pikë pas 15 javëve të para (10). Ata nuk kanë fituar asnjë nga 8 ndeshjet në transfertë këtë kampionat dhe kanë dalë me pikë të plota jashtë fushës së tyre vetëm një herë në 15 takimet e fundit të Premier Ligës: 6 barazime, 8 humbje.