Zgjedhjet në FSHF, debat për një sezon në rrezik
Nga ndikimi i "votës" te arbitrat dhe... Duka
Është luajtur diçka më shumë se çereku i kampionatit dhe në Kategorinë Superiore, kryefjala e të gjithëve është arbitrimi. Gabimet dhe ndikimi i xhaketave të zeza te rezultatet e ndeshjeve kanë prekur kë më shumë dhe kë më pak në elitën e futbollit shqiptar. Pa harruar...
Është luajtur diçka më shumë se çereku i ka mpionatit dhe në Kategorinë Superiore, kryefjala e të gjithë është arbitrimi. Gabimet dhe ndikimi i xhaketave të zeza te rezultatet e ndeshjeve kanë prekur kë më shumë dhe kë më pak në elitën e futbollit shqiptar. Pa harruar edhe gafat dhe vendimet qesharake në kategoritë më të ulëta. Lidhur me këtë çështje, por në kuadrin e një viti zgjedhor në FSHF, gazeta "Panorama Sport" me anë të një forumi sjell opinionet dhe gjykimet e tri figurave të njohura të futbollit shqiptar ndër vite. Ish-futbollistë dhe ish- trajnerë, por njëherësh të mbetur në këtë profesion, kanë analizuar se çfarë ndodh me arbitrimin deri më tani dhe nëse situata ka dalë jashtë kontrollit të FSHF-së. Së dyti, rikandidimi i Dukës për kreun e federatës dhe faktin nëse do të ketë ndikim në kampionat gara zgjedhore për kreun e FSHF-së.
Forumi - Agustin Kola është pro rikandidimit të Dukës, ndërkohë që atakon presidentët e klubeve që kanë "prishur" gjykimin. Shkëlqim Muça, në deklaratën e tij, mënjanohet disi nga aktualiteti sportiv në vend, për shkak të faktit se nuk ndjek me rigorozitet të gjitha ndeshjet. "Arbitrimi është gangrenë që dëmton besueshmërinë e kampionatit", është një nga idetë e deklaruara nga Faruk Sejdini për "Panorama Sport". Më tej, gjatë fjalës së tij, ai shpjegon edhe lidhjen e politikës me votën e klubeve, sakaq promovon emrin e lakuar deri më tani për rival të Dukës, ishkryeministri Bashkim Fino.