Ikardi, “vizitë” te Reali

Për argjentinasin janë gati 9 milionë euro në sezon, për zikaltrit 92 milionë

Një bombë merka toje në të gjitha kuptimet, edhe pse së fundmi janë shtuar shumë zërat për një transferim të tijin te Reali i Madridit. Vetë Mauro Ikardi dhe bashkëshortja- menaxhere Vanda Nara kanë prekur këtë temë, kanë pranuar kontaktet, kanë bërë shifra të mundshme, kanë ironizuar mbi mundësinë, por kanë konfirmuar edhe lidhjen e ngushtë të argjentinasit me fanellën zikaltër. Por, zërat nga Spanja as që kanë ndërmend të rreshtin dhe çdo ditë e më shumë që kalon lajmet mbi këtë temë sa vijnë e shtohen. Një tjetër kapitull vjen nga stacioni iberikas, "Mega", ku në programin "El Chiringuito", gazetari sportiv, Pipi Estrada, e bën të sigurt faktin e një transferimi të Ikardit te Reali i Madridit. Ai jo vetëm ofron data, por edhe shifra të operacionit që ndoshta mund të përfundojë që në janar, ndonëse "Maurito" mund të përfundojë në "Santiago Bernabeu", qoftë edhe në verën e ardhshme si një pakt mes dy klubeve. "Të martën e fundit të muajit dhjetor, e thënë ndryshe më datë 26 të këtij viti, kapiteni i Interit, Mauro Ikardi, pritet që të zbarkojë në Madrid për të kryer vizitat mjekësore në klubin e presidentit Florentino Perez. "Palët kanë kohë që po bisedojnë dhe unë jam gati që të bëj edhe shifrat e operacionit: Interi do të arkëtojë 80 milionë euro, plus 12 milionë të tjerë në formë bonusesh. Ndërkohë, për lojtarin është gati jo vetëm një pagë prej 9 milionë eurosh në sezon, por vetë Mauro Ikardi

do të mund të përfitojë edhe 30 për qind nga të drejtat e imazhit (aktualisht tek Interi ka 50 për qind) nga sponsorët e shumtë që ai ka dhe që do t'i ofrojë Reali në vazhdim". Tani mbetet vetëm të presim nëse burimet e Pipi Estradas janë të vërteta ose jo.