Vendosmëria e Gatuzos: Dua patjetër tri pikë
“Thonë se i druhemi fitores, u tregojmë të kundërtën”
Gjatë pasdites së sot me, skuadra e Mi lanit do të zhvillojë përballjen e saj të fundit ndaj kroatëve të Rijekës për Grupin D në Ligën e Europës. FORMA
Gjatë konferencës për shtyp, trajneri i skuadrës së Milanit, Xhenaro Gatuzo është shprehur i vetëdijshëm për formën jo të mirë të lojtarëve të tij duke sqaruar se këto janë pasoja të punës së pakët gjatë muajve të kaluar. Lidhur me këtë çështje, Gatuzo tha: "Gjendja fizike e lojtarëve nuk mund të përmirësohet në vetëm tetë ditë. Skuadra është duke dhënë maksimumin dhe nuk mund të themi se jemi një skuadër, e cila po vrapon më pak. Jemi duke punuar shumë, por më duhet gjithashtu të tregohem mjaft i kujdesshëm, pasi mund të humbasim lojtarë nga dëmtimet. Jam i qartë se skuadra ka ende nevojë për t'u përmirësuar, por gjithçka duhet bërë hap pas hapi, ndryshe do të kemi lojtarë të dëmtuar. Gjatë këtyre dy ditëve kemi punuar shumë dhe për këtë arsye, disa lojtarëve të rëndësishëm u është dashur të qëndrojnë në shtëpi. Sa i përket gjendjes fizike, nuk jemi akoma aty ku duhet. Lojtarët nuk kanë arritur të japin maksimumin. Kesi dhe Kaliniçi kanë një ritëm totalisht të ndryshëm nga ai i vitit të kaluar, por kjo vlen për të gjithë skuadrën. Bilja duhet të shfaqë formën e tij më të mirë dhe do të luajë së bashku me Lokatelin ndaj Rijekës. Kur them se kjo është një skuadër mjaft e fortë, atëherë duhet që edhe lojtarët të luajnë aty ku dinë të japin maksimumin". STËRVITJA DHE RIJEKA
Përpos Bilias dhe Lokatelit, në formacionin e Xhenaro Gatuzo s'do të jenë në repartin e mbrojtjes, Zapata, Paleta dhe Romanjoli,
ndërsa në mesfushë, Kalabria, Xanelato dhe Antoneli. Sa i përket sulmit, tekniku ka vendosur të pozicionojë Andre Silvën dhe Kutronen. Më tej, trajneri ka thënë: "Kjo ndeshje nuk do ndryshojë gjë në klasifikim, por për mua është shumë e rëndësishme. Rezultati na duhet patjetër dhe është i domosdoshëm për ne. Kjo do të jetë një përballje tepër emocionuese, sidomos përpara tifozërisë kroate. Kam dëgjuar se lojtarët e Milanit kanë frikë nga fitorja, ndaj në këtë përballje dua të vërtetojmë të kundërtën e kësaj. Dua të shoh në fushë një ekip që të dijë si të jetë i fortë".