Flamurtari gjen golat në Hong Kong
Sulmuesi: Erdha në një klub të madh, jap maksimumin
Flamurtari bën goditjen e parë për merkaton e janarit. Atëherë kur nuk pritej dhe e gjithë vëmendja ishte përqendruar te kampionati, vlonjatët kanë prezantuar Igor Nedeljkoviçin. Sulmuesi serb, pasi ka rënë dakord me klubin
Flamurtari bën goditjen e parë për merkaton e janarit. Atëherë kur nuk pritej dhe e gjithë vëmendja ishte përqendruar te kampionati, vlonjatët kanë prezantuar Igor Nedeljkoviçin. Sulmuesi serb, pasi ka rënë dakord me klubin vlonjat për termat financiarë, ka hedhur edhe firmën mbi kontratë. Lojtari është prezantuar nga klubi i Flamurtarit, që jep "leksion" merkatoje. Rrallëherë ndodh që një afrim të bëhet që në hyrje të dhjetorit, megjithatë në Vlorë kanë bërë lëvizjen e duhur. Ai, edhe pse vetëm në janar mund të vihet nën urdhrat e Shpëtim Duros, prej javës së ardhshme, do të nisë stërvitjen me ekipin. Kjo periudhë do i japë mundësi që të përshtatet me grupin dhe kur të rinisë kampionati, ai të jetë me një hap me të tjerët. Ai ka nënshkruar një marrëveshje për 1.5 vite, pra do të mbyllë këtë sezon dhe do jetë pjesë e Flamurtarit edhe për sezonin tjetër. Gazeta zbulon se Nedeljkoviç ka firmosur për 4 milionë lekë në muaj.
DEKLARATA - Igor Nedeljkoviç është më shumë se i emocionuar për aventurën e parë në tokën shqiptare. Serbi, gjatë prezantimit te Flamurtari, ka deklaruar se ka ardhur që të japë kontributin e tij për këto ngjyra, paçka se në klub nuk i kanë vendosur objektiva. "Jam shumë i kënaqur që do të jem pjesë e Flamurtarit duke nisur nga janari. Unë do të jap maksimumin tim për arritjen e objektivave. Kam dëgjuar për historikun e Flamurtarit, që është një klub me traditë. Ka pretendime të mëdha dhe duan që të arrijnë objektiva sa më maksimalë. Unë do të jap kontributin tim këtu, falë edhe eksperiencës që kam. Nuk është se drejtuesit më kanë vënë objektiva, po natyrisht që një klub i madh ka edhe objektiva ambiciozë", përfundoi Nedeljkoviç.
KARRIERA - Sulmuesi ka lindur më 24 shtator 1991, në Beograd, dhe ka një karrierë realisht të pasur. Ai nuk ka luajtur vetëm në vendlindje, por edhe në Mal të Zi, Bosnje e deri në Hong Kongun e largët. Sulmuesi ka dalë nga Zheleznik, megjithatë, si profesionist, ka luajtur për Çukariçki, nga 2009-ta e deri në 2012-ë. Sezonin pasardhës u zhvendos në kampionatin malazez, te Sutjeska Nikshiq. Në vitet 2014-2015 u transferua në Alfa Modrica në Bosnjë-Hercegovinë dhe më tej kar- rierën e vijoi në Maqedoni te Sileks Kraovo. Shpërthimin e ka pasur pikërisht në këto dy sezone që luajti këtu, pasi në 93 ndeshje shënoi 37 gola. Para se të vinte në Shqipëri, ka mbrojtur ngjyrat e Pegasus në Hong Kong, por aty numëron vetëm 2 gola në 7 ndeshje.