Kombëtaret e gjenive, Portugalia kap Gjermaninë
Në rang klubesh, Barcelona paraprin Realin dhe %uven
Kristiano Ronaldo nuk mban gjallë vetëm sfidën e tij në distancë me Lionel Mesin, por mbi të gjitha vazhdon të vërë në vitrinë emrin e tij dhe në të njëjtën kohë i shton edhe më shumë "pikë" Portugalisë së vogël, që në rang suksesesh të "Topit të Artë" të barazojë dy kombe si Gjermania dhe Holanda, të cilët, për shumë vite me radhë, i kanë dhuruar spektakël, kampionë të mëdhenj dhe shumë trofe arenës së sportit më të bukur në botë. Me suksesin e djeshëm, sulmuesi i Realit të Madridit e ngjit Portugalinë në krye të listës së kombeve që kanë fituar më shumë "Topa të Artë". Përveç "CR7" me 5 trofe personalë, dy luzitanët e tjerë që e kanë merituar atë kanë qenë Luis Figo (Real Madrid) në vitin 2000 dhe legjendari Euzebio i Benfikës në 1965-ën. Në të njëjtin rang suksesesh të këtij vlerësimi personal është edhe Gjermania, por që ndryshe nga Portugalia ka ditur ta shpërndajë këtë trofe në pesë futbollistë të ndryshëm: Gerd Myler (Bajern Mynih) 1970^ dy herë Franc Bekenbauer (Bajern Mynih) 1972 dhe 1976^ dy herë Karl-Hainc Rumenige (Bajern Mynih) 1980 dhe 1981 ^ Lotar Mateus (Inter) 1990 dhe Matias Zamer (Borusia Dortmund) 1996. Me 7 "Topa të Artë" edhe Holanda, por e ndarë njësoj si Portugalia, në tre lojtarë të ndryshëm: Johan Krujf 1971 (Ajaks), 1973 dhe 1974 (Barcelona), Rud Gulit (Milan) 1987, Marko Van Basten (Milan) 1988, 1989 dhe 1992. KLUBET E "ARTË"
Në rang klubesh, Barcelona dominon bindshëm, duke qenë se që prej vitit 1956 kur ka startuar ky vlerësim, katalanasit numërojnë 11 "Topa të Artë", nga të cilët pesë i përkasin Lionel Mesit, dy Johan Krujfit, një Luizito Suarezit (1960), një Hristo Stoiçkovit (1994), një Rivaldos (1999) dhe një tjetër Ronaldinjos në vitin 2005. Ata që ndjekin janë Reali i Madridit me 9 trofe (Alfredo Di Stefano 1957, 1959^ Rejmond Kopa 1958 ^ Luis Figo 2000^ Ronaldo da Lima 2002^ Fabio Kanavaro 2006 dhe Kristiano Ronaldo 2013, 2014, 2016, 2017) të ndarë në gjashtë lojtarë të ndryshëm. Ndjekin në vendin e tretë Juventusi (Omar Sivori 1961^ Paolo Rosi 1982^ Mishel Platini 1983, 1984, 1985^ Roberto Baxho 1993^ Zinedin Zidan 1998 dhe Pavel Nedved 2003) dhe Milani (Xhani Rivera 1969^ Rud Gulit 1987^ Marko Van Basten 1988, 1989, 1992 ^ Zhorzh Ueah 1995^ Andrij Shevçenko 2004 dhe Kaka 2007) me nga tetë trofe, të ndarë në gjashtë futbollistë të ndryshëm.