Milani në krizë totale
Debutim “i zi” për trajnerin Gatuzo, “Djalli” bie edhe ndaj Rijekës
Tabela që tregon re zultatin e sfidës mes Rijekës dhe Milanit mund të përdoret për të kopjuar ato rrugore me Milanin në versionin "kantier ndërtimi". Kuqezinjtë regjistrojnë një tjetër rezultat zhgënjyes, pavarësisht rëndësisë relative të takimit. Skuadra që Gatuzo prezantoi mbrëmë, ndoshta edhe për shkak të formacionit, ishte e ngadaltë, e rëndë dhe shumë e parashikueshme, si një makinë që i është montuar vetëm një marsh. Trajneri ka vetëm 10 ditë që punon me ekipin dhe ndoshta forma fizike është pasojë e këmbëve të rënduara nga stërvitjet e "Milanello"- s, pasi nuk ka mënyrë tjetër për të shpjeguar ikjen që Kvërzhiç i bën Zapatës ( ndër më të shpejtët e organikës). Milani është i lodhur, por dëshira nuk i mungon, sidomos me trajnerin që ka, por grinta e tij nuk mund të ndalë dominimin e Rijekës.
Akosti në një krah e nis mirë dhe duket i pandalshëm, ndërsa Puljiç mes fanellave kuqezi duket si më i miri në botë. Pikërisht ndaj kroatit Bilja shkakton faullin nga ku lind goli i parë vendës.
Dyfishimi i rezultatit është një panoramë e qartë e Milanit të djeshëm, me Kvërzhiç që shpërthen në të majtë, kalon Kalabrian pa asnjë shqetësim dhe kroson. Zapata kujtohet vonë për detyrat e tij, ndërsa Paleta dështon në mënyrën më të shëmtuar për të ndaluar Gavranoviç.
Storari bie i fundit në rend lojtarësh dhe i mbetet vetëm të mendojë për shortin e të hënës dhe të trishtohet më shumë. Kuqezinjtë mbërrijnë në fazën me eliminim direkt si kokë grupi, por përveç kundërshtarëve më të lehtë, në rrugëtimin europian mundi t'i presë edhe Borusia e Dortmundit dhe atëherë po që Gatuzo nuk do të vërë gjumë në sy.
LOJTARËT
Milani disi krenar nuk shfaqet asnjëherë rrezikshëm në anët e portierit rival Sluga. Gatuzo, pa Bonuçin, i beson shiritin Zapatës që vendos të bëjë asistuesin dhe në minutën 39 pason për Kutronën, por parabola e tij zbret shumë vonë. Kaq është pjesa e parë kuqezi, me Milanin që zbret në të dytën me më shumë nerv, por idetë janë të pakta. Bilja tenton nga goditja e dënimit të shkurtojë diferencën, ndërsa përsëri Kutrone humb një rast me kokë
nga fare pranë. Kjo ishte gjithçka skuadra ofroi mbrëmë me Andre Silvën që shpesh e teproi me topin, Biljën pa nervin e regjisorit dhe Xanelaton që nuk tregoi asgjë nga cilësitë që i njohin
në nivel të rinjsh. Gatuzo kërkon një sinjal dhe ndryshon skemë duke kaluar në 4- 2- 4, ndërsa nga tribuna dëgjohet një tifoz që thërret: "Rino, futu ti!". Eh, sa shumë do të kishte dashur...