Likuidon dhe Partizanin, Elbasani bën ligjin në Grupin B

Është luajtur dje një prej dy ndeshjeve të javës së 6- të në basketbollin e femrave për grupin B. Ndeshja, e cila u zhvillua në pallatin e sportit të Elbasanit "Tomorr Sinani", mes ekipit vendas dhe të rejave të Partizanit, është mbyllur 81- 46, duke siguruar fitoren e 6 në kampionat duke mos njohur asnjë disfatë dhe po shkon e sigurt drejt ngjitjes në grupin A. Për sa i përket takimit të djeshëm, Elbasani ia ka dalë të fitojë në shifrat e thella 81- 46, në një ndeshje të dominuar nga vajzat elbasanase. Ato nuk e vunë për asnjë moment në diskutim fitoren, ku me këtë triumf Elbasani po marshon në krye të klasifikimit me pikë të plota, duke treguar një performancë të mirë deri më tani në kampionat. Vendaset praktikisht e mbyllën takimin që në periodën e parë, pasi fitojnë thellësisht 27- 5, me një diferencë prej 22 pikësh. Duke parë diferencat në fushë ulet disi ritmi, por gjithsesi, edhe në periodën e dytë, janë elbasanaset që ia dalin të fitojnë, duke e mbyllur atë në shifrat 2416. Në pushim verdheblutë shkojnë me një diferencë prej 30 pikësh, duke vijuar më të qetë dy pjesët e mbetura të lojës, duke barazuar në periodën e tretë 11- 11 dhe kanë fituar të fundit 19- 14. Te Partizani të bie në sy një grup vajzash mjaft të reja, që përpiqen me përkushtim dhe sakrifikojnë që të bëjnë gjithçka për këtë skuadër, por nuk ia kanë dalë, kjo dhe për shkak të papërvojës, pasi ky grup është krijuar rishtas. Vladimir Mema

(27-5, 24-16, 11-11, 19-14)

ELBASANI: Rusta, Zenuni, Skuqi, Hasa, Qosja, Vyshka, Xhyra, Kasa, Selko, Ahmetaj, dervishi, Shabani.

Trajnere: E. Xhyra PARTIZANI: Lisi, Bilali, Jata, T. Meta, Hushi, K. Meta, Beqo, Gozhdari, Dapi, Ahmetaj. Trajnere: L. Koçi GJYQTARË: Y. Harasani, E. Ahmetaj

DJE

SOT