Formula 1, zbulohet kalendari 2018

Mungon Çmimi i Madh i Malajzisë, rikthehet Franca dhe cirkuiti gjerman i Hohenhaimit

Formula 1 ka zbardhu dje kalendarin për kampionatin e ardhshëm, i cili do të startojë si gjithmonë në dekadën e fundit, në Melburn të Australisë, më datë 25 mars. Sivjet numri i garave është zgjeruar në 21, duke shtuar kështu impenjimin, spektaklin dhe do të bëjnë edhe më të nxehtë betejën për titullin kampion, me garën e fundit që do të zhvillohet më datë 25 nëntor të vitit 2018, në Emiratet e Bashkuara Arabe, Abu Dabi, në cirkuitin "Jas Marina". Garat e planifikuara janë pak a shumë të njëjta me ato të vitit të kaluar, por sivjet janë shtuar në listë Çmimi i Madh i Francës dhe ai i Gjermanisë, në pistën e shpejtësive të mëdha në Hokenhaim. E para i mungon kalendarit të Formulës 1 që nga viti 2008, ndërsa e dyta ka "kapërcyer" në dy sezonet e fundit. Ndryshe nga viti 2017, nuk do të ketë Çmim të Madh të Malajzisë. Përsa i përket datave të garave të një sezoni më parë, do të ndry-

shojnë ato që lidhen me Çmimin e Madh të Kinës dhe atë të Bahreinit. Pista e Sakhirit do të paraprijë garën në Shangai, ndryshe nga viti 2017, konkretisht në datat 8 dhe 15 prill. Përsa i përket garës në Hokenhaim, një ndër pistat që ka ofruar gjithmonë

duelet më spektakolare, si rrjedhojë e shpejtësive të larta që regjistrohen aty, ajo do të zhvillohet më 22 korrik. Ndërkohë, Franca do të "përqafojë" edhe njëherë Formulën 1, pas disa viteve mungesë, pasi nuk mbulonin dot financat për zhvillimin e këtij

spektakli. Nga sezoni i ardhshëm, transalpinët do të shohin nga pranë njëvendëshet në Le Kastele, më datë 24 qershor. Ndërsa, takimi me autodromin e Monzës, shtëpinë e skuderisë Ferrari, do të jetë sërish në muajin shtator, më datë 2.