NOTAT E INTERIT
HANDANOVIÇ 6,5 - Gjithmonë i vëmendshëm: pret goditjen e parë të Manxukiçit dhe bllokon të majtën e Azamoah. E ndihmon edhe traversa.
D'AMBROZIO 5,5 - Manxukiç e dominon në luftën me kokë, vuan fizikun e kroatit dhe shpeshherë e lë bosh hapësirën në shtyllën e dytë.
SHKRINJAR 6,5 - Humbet menjëherë ekuilibrin duke shkaktuar drithërima te zikaltrit. Por, ngrihet dhe ul "saraçineskën": "këtej nuk kalohet".
MIRANDA 7 - Shpëton skuadrën nga një rast i rrezikshëm në fillim të ndeshjes. Për pjesën tjetër, nuk fal thuajse asgjë.
SANTON 5 - Së paku dy hapa prapa krahasuar me dy ndeshjet paraardhëse. Kuadrado e driblon gjithmonë, i jep kolumbianit hapësirë për të krosuar. Herët për të thënë "rilindje" (nga 63' DALBERT 6 - Devijon një goditje të Khedirës dhe paraqitet më mirë se Davide).
VESINO 6 - Ndoshta nuk ka cilësinë e Borhas, por vjedh shumë topa, e në fund i shërben dhe Brozoviçit që mund të shfyrtëzojë më mirë asistin.
BORHA VALERO 6,5 - I vëzhguar special i mbrëmjes, prek shumë topa dhe pëson po aq faulle. Thelbësor.
KANDREVA 5 - Largohet i fikur pas një ore në anonimat. Kielini i ndal një goditje-kros (nga 69' GALJARDINI 6 - 20 minuta filtër në vuajtjet e fundit të Interit).
BROZOVIÇ 5,5 - Njeriu kyç në skemën e Spaleti, e nis mirë, por shuhet shpejt. Duelon pa gjak dhe në fund gabon topin e mbrëmjes. PERISIÇ 5 - Ndoshta tre golat ndaj Kievos e kanë ngopur. Sakrifikohet në mbrojte, por në sulm nuk jep asgjë.
IKARDI 5 - Jetë e vështirë për kapitenin. Shërbehet pak dhe prek rrallë topin ( nga '86' EDER PA NOTË).
Trajner SPALETI 6 - Zgjedh Brozoviçin dhe Interi manovron mirë. Me kalimin e minutave ekipi bie fizikisht, por në fund merr një rezultat pozitiv. Pas Napolit, zikaltrit nuk njohin humbje as në Torino