Grezda bën bomberin, Sadiku sërish në stol
Mesfushori shënon në fitoren e Osijekut
Mesfushori i Kombëtares shqiptare, Eros Grezda, ka gjetur golin e katërt në kampionatin kroat me fanellën e Osijekut për këtë sezon. Futbollisti kuqezi ka shënuar në fitoren 3-0 që skuadra e tij arriti ndaj Rudes dje në shtëpi. Ka qenë minuta e 74-t, kur Grezda ka vënë firmën për rezultatin e përkohshëm 2-0, ndërsa ia ka bërë më të lehtë fitoren Osijekut që mban vendin e dytë në kampionatin kroat. Pas javës së 19-të, Osijek ndjek Dinamon e Zagrebit me 35 pikë kundrejt 47 që ka ekipi kryesues, i cili është favorit për titullin kampion.
SADIKU - Sulmuesi e nis sërish nga stoli për Legian e Varshavës. Edhe në ndeshjen që skuadra polake fitoi bindshëm 3-0 ndaj Termalicas, Sadiku u fut në fushë si zëvendësues në minutën e 72- të, kur Legia kishte mbyllur historinë e takimit. Trajneri aktual i polakëve preferon në majën e sulmit Jaroslav Niezgodan dhe jo shqiptarin.
MAVRAJ - Mbrojtësi kuqezi, Mërgim Mavraj dhe Hamburgu kanë marrë një tjetër rezultat pozitiv, teksa dje kanë barazuar pa gola ndaj Volfsburgut. Shtatlarti ka qenë për 90 minuta në fushë duke bërë një paraqitje të mirë dhe marrë vlerësimet e mediave gjermane. DURMISHAJ - Në kampionatin grek, sulmuesi Fiorin Durmishaj ka qenë titullar në fitoren ndaj Plataniasit me rezultatin 2- 1. Shqiptari është ndëshkuar me karton të verdhë në minutën e parë të kohës shtesë.
VESELI
- Në Serinë B, Empoli i
Frederik Veselit e ka marrë seriozisht garën për t'u ngjitur në elitën e futbollit italian. Si zakonisht, mbrojtësi kuqezi ka qenë titullar edhe në fitoren 1-0 kundër Karpit, që e ngjit përkohësisht në vendin e dytë të klasifikimit. GJASULA - Asist fantastik i Jurgen Gjasulës në Bundesligën 2.
Fantazisti shqiptar ka qenë protagonist në fitoren minimale 10 të Grojther Furthit kundër Heidenheim. Pasi humbi një rast para portierit, Gjasula arriti sërish topin që po dilte nga fusha dhe krosoi në zonë duke i dhënë një top goli shokut të ekipit që shënoi.