VllazniaVllaznia merr frymë mes tensionit,tensionit, Fushaj:Fushaj: GatiGati tëtë blejblej klubinklubin
Spektakël Spektakël në në “Loro “Loro Boriçi”, Boriçi”, shkodranët shkodranët fitojnë fitojnë ndaj ndaj Kamzës Kamzës duke duke sfiduar sfiduar mungesat mungesat e e shumta shumta dhe dhe presionin presionin ndaj ndaj trajnerit. trajnerit. Ish-presidenti
E kërcënoi kërcënoi i i afërmi afërmi i i lojtarit, lojtarit, Gjoka: Gjoka: Janë Janë pjesë pjesë e e zanatit... zanatit...
Spektakël në Shkodër. Vllaznia fiton 3-2 ndaj Kamzës duke marrë 3 pikë me vlerë në objektivin për të mbijetuar në Kategorinë Superiore. Në një ndeshje të luftuar, me gola të bukur dhe me shumë aksione triumfojnë kuqeblutë duke u treguar më të saktë përpara portës. Të ndihmuar edhe nga Kamza (Plaku humbi një penallti).
SHPËRTHEN RIBAJPritej betejë në mesfushë dhe e tillë ishte. Skema e dy trajnerëve (4-4-1-1 Gjoka dhe 4-14-1 Ndreu) premtonte një duel të bukur dhe të luftuar pikërisht në zonën më të rëndësishme të fushës. Duel të cilin e fituan kuqeblutë për faktin se 4 mesfushorët qëndronin në vijë të drejtë, ndërsa ata të Kamzës ishin më shumë ofensivë dhe Arrabal përpara mbrojtjes mbeti i vetëm në disa momente. Por 45 minutat e para u dominuan nga Vllaznia edhe për rastet e krijuara dhe mbi të gjitha për golin e shënuar. Ishte dita e Andi Ribajt dhe sulmuesi tregoi që në startin e ndeshjes që ishte në formë të mirë. Gjithçka praktikisht e bëri ai. Edhe goli ishte për meritën e tij pasi fitoi një duel shpejtësie me Nerizin në krahun e djathtë dhe detyroi Kuqin që ta dërgonte topin në goditje këndi. Në aksionin pasardhës, Ribaj arriti të fitonte duelin me Frashërin dhe Fukuin duke e dërguar topin në rrjetë. Goli i parë në Superiore për sulmuesin. Kamza vuante mungesën e Raçiçit dhe gjeti vështirësi për të qarkulluar topin tokazi. Mehmeti dhe Rezi u kombinuan disa herë mirë me njëri-tjetrin, por mungonte pasimi final për të nxjerrë Plakun të lirë përpara portës. Një herë doli, por aty u tregua i gatshëm portieri vendas për ta bllokuar. Kamza e kishte shumë të vështirë për të ndërtuar nga të dyja krahët, sepse i majti ishte inekzistent. Fukui dhe Neziri thuajse nuk dolën asnjëherë në vijën fundore për të krosuar. Mehmeti pati një tjetër rast të mirë kur kishin kaluar 30 minuta lojë, por depërtoi në zonë dhe bëri zgjedhjen e gabuar për të mos pasuar te Plaku. Vucaj i ndërhyn duke i larguar topin. Për t'u theksuar një lojë e mirë e të riut Ruqi, i cili depërtoi disa herë dhe fitoi duele të rëndësishme me kundërshtarët.
SPEKTAKËL- Pjesa e dytë është shumë herë më ndryshe sesa ajo e para, pasi ekipet zgjerohen në fushë dhe kërkojnë të shënojnë. Ia del pikërisht Vllaznia që të shënojë golin e dytë pas një aksioni nga krahu i majtë. Kalaja shërben për Çinarin dhe ky i fundit kërcen mirë duke e dërguar pas shpinës së Gjonikajt. Festë në kampin
kuqeblu, por për t'i zbritur me këmbë në tokë shkodranët mendon Sebino Plaku. Vetëm pas dy minutash nga goli i dytë i Vllaznisë, sulmuesi i Kamzës rihap llogaritë pasi devijon topin në rrjetë pas krosimit të Frashërit. Kamza kërkon me çdo kusht barazimit
dhe për pak i afrohet, pasi pak minuta më vonë ka një penallti në favor. Por Plaku këtë herë gabon nga pika e bardhë duke e goditur topin jashtë kuadratit. Dhe siç thotë rregulli i pashkruar: Nëse nuk shënon, do të pësosh. I ndodh edhe Kamzës, pasi Kalaja arrin
t'i dërgojë shifrat në 3-1. Vucaj jep një pasim të bukur për Likën, i cili në qendër fiton duelin me Kuqin dhe e dërgon topin tek Kalaja. Ky i fundit me portën e boshatisur nuk zhgënjen duke rikthyer qetësinë te shkodranët. Por Kamza nuk pajtohet me këtë rezultat dhe
Ndreu bën ndryshime taktike për të pasur më shumë forca në sulm. Aksionet e njëpasnjëshme japin efekt në minutën e 79- të kur Imeri shkurton diferencat dhe rihap ndeshjen. Luhen 10 minuta të luftuara, por Vllaznia mbrohet mirë dhe merr një fitore të çmuar.