Osmani ngushëllon Lushnjën, gjyqtarët ikin mes protestash

Në ndeshjen e djeshme, reshjet e shiut dhe terreni i rënduar kanë qenë "protagonistët" kryesorë të saj. * Rreth 1000 shikues ndoqën takimin LushnjaSkënderbeu. Tribuna qendrore u ezaurua plotësisht. Shumë pak shikues në shkallë e licencuara që u duhej të përballeshin me motin e keq dhe me shi. * Ultrasit në stadiumin numëroheshin me gishta. Si te grupimi "Delegatët" i vendësve, ashtu edhe te të ardhurit. Ata që bënin korin mbështetës ishin jo më shumë se 30 veta.

* Një shi i rrëmbyer shoqëroi pragndeshjen dhe minutat e para të saj. Autoambulanca arriti të parkohet në pjesën veriperëndimore të stadiumit "Roza Haxhiu". Ndërsa automjeti zjarrfikës qëndroi në portën e brendshme pranë pistës së stadiumit "Roza Haxhiu". * Fusha e stadiumit "Roza Haxhiu" u vijëzua pak çaste para fillimit të ndeshjes dhe në pushimin e saj. Kjo për shkak të reshjeve të mëdha të shiut.

* Terreni i impiantit lushnjar u ngarkua shumë nga reshjet e shiut. Gjatë ndeshjes u vunë re edhe zona uji. * Në minutën e 53-të, topi u ça. Gjyqtari Xhemalaj ndaloi lojën dhe kërkoi ndërrimin e tij.

* Në tribunën VIP spikaste prania e presidentit të Skënderbeut, Ardian Takaj, por mungonte ai i Lushnjës, Fatos Tushe. Stafi drejtues i lushnjarëve kryesohej nga nënkryetari i Bashkisë, Gentian Nushi. dhe koordinatori Artur Çobani. * Protesta të shumta të lushnjarëve pas ndeshjes. Dalja e gjyqtarëve është shoqëruar me kontestime nga tifozët në tribunën qendrore.

* Moti me lagështirë krijoi "zona uji" edhe në parkingun e stadiumit "Roza Haxhiu".

* Futbollisti Tefik Osmani takoi të gjithë stafin e Lushnjës pas ndeshjes duke iu uruar suksese lushnjarëve. * Pas ndeshjes, trajneri Dedja qëndroi në Lushnjë. Në një nga lokalet e qytetit, tekniku verdhëjeshil ndoqi ndeshjen Flamurtari-Laçi. Kurbinasit janë kundërshtari i radhës për lushnjarët.