Debutime dhe gola, sa shumë herë të para...
* Skuadra e Kamzës luante për herë të parë në stadiumin e rikonstruktuar "Loro Boriçi". Ekipi i Ndreut siguroi ngjitjen në Superiore këtë sezon dhe nuk kishte luajtur më përpara. * Fitorja e arritur ditën e djeshme nga kuqeblutë kundër Kamzës ishte e para për këtë sezon në këtë duel. Sfida e fazës së parë përfundoi 1-0 në favor të kamzalinjve, kur Vllazninë e drejtonte trajneri Armando Cungu.
* Kapiteni i Vllaznisë, Gilman Lika mori kartonin e parë të verdhë në këtë sezon të Kategorisë Superiore. Shkodrani është një nga lojtarët më "Fair Play" të kampionatit.
* Mbrojtësi shkodran Samet Ruqi debutoi ditën e djeshme me ekipin kuqeblu. Mungesat e shumta në këtë repart bënë që Gjoka t'i besonte 22-vjeçarit për herë të parë dhe ai nuk zhgënjeu duke bërë një paraqitje të mirë.
* Edhe në ekipin e Kamzës kishte risi në formacion. Portieri Fabio Gjonikaj bëri debutimin e tij në Superiore. Deri tani nuk kishte luajtur asnjë minutë, por për herë të parë u aktivizua në Shkodër dhe pësoi 3 gola. * Skuadra e Kamzës humbet për herë të parë dy ndeshje radhazi në këtë sezon të Superiores. Ekipi i ngjitur këtë vit humbi në debutim me Kukësin, pastaj me Flamurtarin dhe dy ndeshjet e fundit me Luftëtarin dhe Vllazninë.
* Ekipi i Ernest Gjokës shënoi për herë të parë 3 gola në këtë sezon të Superiores duke përmirësuar repartin e sulmit. Mungesa e një sulmuesi të mirëfilltë ka bërë që ekipi të ketë pasur probleme në sulm dhe ia doli të merrte 3 pikë të rëndësishme.
* Të tre lojtarët e Vllaznisë që i dhanë fitoren ekipit, shënuan për herë të parë në këtë sezon. Andi Ribaj, Eraldo Çinari dhe Arlind Kajala nuk kishin shënuar asnjë gol deri tani në Superiore.