“Vllazninë e bëj si Skënderbeu”
“E lashë ekipin në Europë, por nëse rikthehem për 2-3 vite, do bëhemi si korçarët”
Ish- presidenti i Vllaznisë, Valter Fushaj, e ka pohuar edhe njëherë se është i interesuar për të blerë klubin e Vllaznisë dhe po negocion me Bashkinë. Në një intervistë për "Gol pas Goli", Fushaj premtoi se në rast se ai e fiton ankandin dhe zgjidhet president për 2-3 vite, do e ngjitë Vllazninë në nivelin e Skënderbeut të tanishëm. "Unë mendoj që në momentin që dhashë dorëheqjen për arsye financiare, ka pasur një vakum të madh për sa i përket presidentit. Bashkia po përgatit letrat për ta nxjerrë në shitje. Unë jam i interesuar për ta blerë klubin. Në këtë gjendje që është, klubi shitet vetëm si emblemë. Interesi është për ta blerë ekipin qoftë 51 %, 60% ose 70 %. Bashkia ka kontribuar shumë në anën financiarë, por ka pasur defekte në menaxhim. Një absurditet i madh gjatë gjithë këtyre viteve dhe lekët kanë shkuar dëm. Me gjithë ato lek të jetë vetëm për mbijetese, është e pakuptueshme. Nuk arrijnë ta menaxhojnë dot klubin, nuk është si në ndërmarrje", tha fillimisht ai.
KUSHTET - "Nuk kam ndonjë kushte të veçanta, do të kërkoj ta blej. Nga kontributet që kam dhënë, lashë një ekip në gjendje shumë të mirë me trofe dhe me pjesëmarrje në Europë. Unë do të marr pjesë në ankandin e shitjes, shpresoj të jetë ndonjë çmim i arsyeshëm".
BASHKIA - "Unë i kam marrëdhëniet e mira me kryetaren e Bashkisë. I kam shprehur interesin për ta blerë klubin dhe jo ta kem në përdorim. Ajo e ka të qartë qëndrimin tim. Pastaj është vlerësimi i këshillit bashkiak për të zgjedhur kush do të jetë president. Është një barrë shumë e madhe të jesh president i Vllaznisë. Shkodra nuk pranon një Vllazni në këtë gjendje. Mua më vjen
shumë keq, unë nuk kam lënë ndeshja pa parë. E kam dashur dhe e dua Vllazninë me shpirt. Në qoftë se do të jem unë në krye, do ta çoj Vllazninë ku e meriton".
PREMTIMI - "Skënderbeu ka arritur shumë lart dhe duhet ta vlerësojë çdo shqiptar. Besoj se për 2-3 vite e çoj në nivelin e Skënderbeu. Kur kam qenë unë president, turi i parë kaloheshe pa diskutim dhe besoj se një mësim ka marrë e Skënderbeu për
këtë gjë. Tifozët e Shkodrës janë mbas derë. Tifozët e kanë treguar që e duan Vllazninë, por duan skuadër të mirë".
BASHKËPUNIMI - "Unë dua të jem ortak me Vllazninë. Nuk ka ndonjë emër konkret biznesmeni. Unë do të jem i hapur të ofroj aksione. Në momentin që kam dorëzuar klubin, u eliminuam ndeshjen e fundit me Thunin. Sot janë kushtet më të favorshme, por dua një
punë shumë e madhe. Edhe ekipet zinxhir kanë shumë probleme edhe klubi ka shumë probleme".
PËRBËRJA E SKUADRËS - "Për mendimin tim, 90% shkodran nuk është e nevojshme. Mendoj se duhen duhen te 60 %. Për sa i përket trajnerit, unë mendoj se Bashkia ka bërë zgjedhjen e duhur. Me Cungun kishte ca probleme. Mjafton që trajneri ta drejtojë mirë, nuk është e thënë të jetë shkodran".