Fitore minimale për Arsenalin dhe Çelsin

Rikthehen te suksesi blutë e Antonio Kontes

Pas trisit të Kristal Pa lasit kundër Leiçes terit, si "antipastë" e Premier Ligës, Çelsi i Antonio Kontes u mjaftua me një goditje dënimi, e ekzekutuar mjeshtërisht nga Markos Alonso, për t'i marrë fitoren Sauthemtponit e për të kapur (provizorisht) vendin e dytë Mançester Junajtidin e Zhoze Murinjos, në pritje të përballjes së "Djajve të Kuq" kundër Uest Bromuiçit. Të dyja skuadrat ndodhen megjithatë 14 pikë pas Mançester Sitit, pasi kryesuesit arritën dje fitoren e 16të radhazi (për rekord) ndaj Totenhemit. Ndërkaq, Sauthemptoni nuk arrin të fitojë prej pesë ndeshjesh, që prej suksesit të fundit ndaj Evertonit në nëntor, pavarësisht se, që nga ajo herë, janë ndeshur rrugës me "qytetarët" (skuadra për t'u mundur në Premier Ligë këtë sezon) dhe i lejuan barazimin vetëm në minutat e fundit Arsenalit. BUZËQESH EDHE ARSENALI

(13 suksese në 14 ndeshjet e fundit në Premier Ligë pa humbje për skuadrën e Arsen Venger, të mposhtur vetëm nga Mançester Junajtid), që ngjitet kështu në vendin e katërt, pas suksesit në shtëpi ndaj Njukasëllit, falë të majtës së Ozilit, i cili tashmë duket se është rikthyer në formën e tij më të mirë ( gjermani ka marrë pjesë në gjashtë golat e fundit të skuadrës në "Emirates Stadium": dy rrjeta personale dhe katër asiste). Për trajnerin Njukasëllin ishte humbja e 10- të radhazi në Premier Ligë ndaj "topçinjve". Një sezon "tmerri" për Rafa Benitezin, me vetëm një pikë të grumbulluar ( me Uest Bromuiçin, në fushën e këtyre të fundit) në nëntë ndeshjet e fundit nga tekniku spanjoll (pa fitore që më 21 tetor, kur i morën tri pikë Kristal Palasit, falë suksesit me rezultatin 1-0), që po rrezikon kështu qëndrimin në stolin e bardhezinjve.