Moviola e Jeminit, arbitri gaboi në Vlorë
Java e 15-të, tre arbitra e kalojnë klasën
Kur është mbyllur java e 15-të e Kate gorisë Superiore, Flamurtari është skuadra më e penalizuar nga gjykimi. Në ndeshjen e luajtur në dy ditë, vlonjatët kanë humbur përballë Laçit, por janë penalizuar pa të drejtë me një penallti dhe nuk u është dhënë një tjetër. Ish- gjyqtari i FIFA- s, Lorenc Jemini, ekskluzivisht për "Panorama Sport", bën moviolën për pesë sfidat e luajtura të shtunën dhe dje. FLAMURTARI - LAÇI 0-1 Gjyqtarë: J.Xhaja, D.Agaraj, A.Shkreta
- Në minutën e 36- të të ndeshjes, Uzuni ka pasur një kontakt të lehtë me Siljanovskin dhe është rrëzuar, ndërsa kryesori i takimit menjëherë drejton gishtin nga pika e bardhë e 11-metërshit. Në pamjet filmike duket qartë se kontakti ka nisur që jashtë zonës së Flamurtarit dhe rrëzimi i futbollistit të Laçit ka ndodhur brenda zonës. Gjithsesi, kemi të bëjmë me një kontakt shumë të lehtë dhe arbitri nuk duhej të akordonte 11metërsh, por të vazhdonte normalisht takimin. Pra, me vendimin e tij në këtë rast, kryesori ka gabuar.
-Në minutën e 50-të ka një krosim nga e djathta në qendër të zonës së Laçit, aty ku Fangaj, në rrëzim e sipër, pengon Alvesh dhe i humbet ekuilibrin. Xhaja është fare pranë aksionit, por e gjykon si lojë të rregullt, duke gabuar, pasi në këtë rast kemi të bëjmë me një 11-metërsh që i është mohuar Flamurtarit.
-Në minutën e 54-t ka sërish rast të diskutueshëm brenda zonës së kurbinasve. Një krosim në zonë për Xhufon, i cili pengohet nga Segjini, por kryesori sërish nuk vërshëllen për 11-metërsh dhe vendimi i tij në këtë rast është i saktë. LUSHNJA - SKËNDERBEU 1-3
Gjyqtarë: F. Xhemalaj, R.Dobruna, R.Zaimi
-65' Lushnja pretendon për penallti. Bëhet fjalë për një aksion të Cankës, i cili futet në zonë nga e djathta dhe rrëzohet duke pretenduar për ndërhyrje të gabuar të Lilajt, por mesfushori i korçarëve ka larguar pastër topin dhe nuk ka elementë 11-metërshi. Vendim i drejtë i kryesorit.
- 85' Muzaka merr një
pasim nga mesfusha dhe del i vetëm përballë Spahos. Ky i fundit ndërhyn dhe pengon mesfushorin. Në bazë edhe të pamjeve filmike, vihet re se ka një kontakt të portierit me futbollistin dhe, në këtë mënyrë, vendimi i kryesorit është i drejtë. Karton i kuq për gardianin, për shkak të heqjes së mundësisë për shënim. VLLAZNIA - KAMZA 3-2
Gjyqtarë: K. Kola, D.Rexha, N.Bregasi
-Gjyqtari Kola vepron drejt duke mos akorduar penallti në favor të Kamzës në
minutën e 28-të, kur Mehmeti depërtoi në zonë dhe Vucaj i ndërhyri nga pas. Nga pamjet shihet qartazi që ndërhyrja e mesfushorit shkodran është te topi dhe mesfushori i Kamzës pretendon kot për penallti.
-Në minutën e 42-të ndërpritet një aksion i Vllaznisë për pozicion jashtë loje. Nga pamjet duket që pozicioni është i rregullt për lojtarin e shkodranëve.
-Nuk ka asnjë dyshim te penalltia e fituar nga skuadra e Kamzës, pasi krosimi i
Fukuit përfundon në dorën e Gurishtës dhe prekja me dorë është e qëllimshme. Kola vepron drejt në këtë rast duke akorduar 11- metërsh për ekipin e Kamzës.
TEUTA - KUKËSI 1-2 Gjyqtarë: E.Jorgji, E. Ganxhi, R. Preça/ pas porte: O.Ferataj, R.Sadiku
-Në minutën e 42 të takimit, Kukësi fiton një 11-metërsh pas një topi që i drejtohej zonës dhe ndërpritet me dorë nga Hakaj i Teutës. Në pamjet filmike duket qartë se kemi të bëjmë me 11- metërsh, pasi
dora e mbrojtësit ka ndryshuar drejtimin e topit dhe vendimi i kryesorit ka qenë i drejtë.
-Mbrojtësi i Kukësit, Ylli Shameti, merr kartonin e dytë të verdhë në minutën e 70-të të takimit. Ndërhyrja e bërë ndaj një prej lojtarëve kundërshtarë ka qenë e ashpër dhe vendimi i kryesorit ishte i drejtë. LUFTËTARI - PARTIZANI 5-0
Gjyqtarë: K.Meta, R.Avdo, D.Myftari
- Në minutën e 5-të Asani pengon në zonë Rrapon dhe duhej akorduar 11-metërsh për Luftëtarin.