Inter, me shumë sulmues dhe pak ide, rendiment i pamjaftueshëm nga rezervat
Herët a vonë do ndodhte: kundër Udinezes ka ardhur edhe humbja e parë e Interit të "epokës" së Spaletit. Një 1-3 në "San Siro", shtëpinë zikaltër, që ka sjellë pikëpyetjet e para të parashikuara megjithatë nga tekniku që ka në duar një skuadër ende të paplotë. Interi e përfundoi ndeshjen kundër bardhezinjve me pesë lojtarë ofensivë dhe tre mbrojtës. Një mesazh shumë i qartë nga Luçiano. Në disavantazh fillimisht të një goli e më pas të dy golave, nuk ka mundur të bëjë gjë tjetër veçse të nxisë (ose së paku të tentojë) skuadrën duke hedhur në fushë lojtarët me tipare sulmuese. KRAHËT - Detyrat më të ndërlikuara në minutat e fundit u takuan Kandrevës dhe Peisiçit, që në krahë kanë kryer rolin e mesfushorit dhe atë të mbrojtësit anësor. Italiani, në veçanti, koleksionoi 11 krosime përgjatë gjithë ndeshjes, thuajse gjysmën e gjithë skuadrës zikaltër (25). Nga korsia e djathtë
kanë nisur më shumë harkime drejt zonës: në të majtë, mes Perisiçit e Santonit, gjithsej u kryen në total katër (3+1). Në të djathtë i prodhoi të gjithë Kandreva sepse D'Ambrozio nuk arriti të shërbejë asnjë. Në fund të ndeshjes u detyrua të zhvendosej më shumë drejt krahut. Disi prej
pozicioneve më ofensive të dy anësorëve zikaltër, por edhe prej aktivizimit të Karamoh (fillimisht) dhe Eder. Me pesë elementë ofensivë në fushë ishte logjike tentativa për të zgjeruar mbrojtjen e Udinezes. Ide që nuk u ndoq nga faktet duke parë që, në fund, Interi nuk ndërtoi aq raste sa për të merituar barazimin. Prapavijën e Masimo Odos e shqetësoi veçanërisht Karamoh, i cili gjatë minutave që qëndroi në fushë (26) fitoi tre faulle. Jo pak, nëse llogaritet fakti që në sulmin e zikaltërve ka "pesha" më të rënda se francezi: pra, me sa duket, është kërkuar shumë shpesh përgjatë atij harku kohor. Me aktivizimin e Ederit në vend të Vesinos, ish-sulmuesi i Sampdorias u vendos përkrah Ikardit për ta mbështetur duke u përpjekur me ndonjë kombinim nga afër të hapnin ndonjë "derë" në prapavijën friulane, por pa sukses: vetëm 6 pasime (dy të gabuar).
PA PRECIZION - Perisiç, që në ditë të tilla ngjitet në katedër, e goditi portën kundërshtare vetëm katër herë, tri prej të cilave përfunduan jashtë. Brozoviç akoma më keq: dy goditjet e tij nuk panë as hijen e portës. Kështu, Interi u shfaq pa kushtet fizike dhe psikologjike që të mbajnë në lojë në momentet e vështira.