Juvja kalon Interin, Milani në kolaps

Pjaniç gol dhe asist, Manxukiçi dhe Matuidi përmbushin misionin në transfertë

Parakalimi në "au tostradën" e Bolon jës vjen pa pasur nevojë për ta shtypur gazin deri në fund dhe me tre gola madje. "Piloti" Alegri nuk ka nevojë që të përdorë të gjithë fuqinë e "makinës" së tij për të kaluar Bolonjën në fushë dhe Interin në renditje dhe përpara sheh vetëm Napolin, ndonëse me peshën e të mbajturit në "bagazh" një Dibala që gjithmonë e më shumë po bëhet një barrë. Për argjentinasin, këtë herë kishte çerek ore lojë dhe madje i shkoi pranë edhe "pokerit" me një të majtë plot klas, por pa fat. Bolonja e Donadonit nga ana e saj e nisi ndeshjen me një kompleks inferioriteti, i cili i dënoi.

PERLA E PJANIÇIT - Ndeshja nis edhe një herë tjetër pa Dibalën, sërish i dërguar në pankinë nga "katili" Alegri, me muskujt e Manxukiçit dhe Kostës që punojnë pas shpatullave të Higuainit. Ndonëse për afro gjysmë ore bashkëpunimi i tyre me "Pipita"-n nuk lë gjurmë, ndërsa Benatia dhe Barzalji krijojnë një morsë për Verdin dhe Destron, Juventusi gjithsesi duket qartë që kontrollon lojën dhe për të zhbllokuar ndeshjen, vë në "punë" klasin e individualiteteve që ka në grup. Në të 27-ën, Aleks Sandro "vjedh" një goditje dënimi në hyrje të zonës, në pozicion diagonal, me Pjaniçin që merr përsipër ekzekutimin dhe ndërsa të gjithë prisnin një krosim, boshnjaku vendos ta dërgojë direkt në portë: goditje është gati perfekte, por jo reagimi i Mirantes, portierit të "ushqyer" dhe rritur në radhët e bardhezinjve, i cili reagon me shumë vonesë dhe gati e dërgon vetë në rrjetë sferën.

E PARA PËR MATUIDIN - Me të zhbllokuar ndeshjen, Juventusi nuk ka më as nevojë që të rrisë ritmin e saj sepse Bolonja demoralizohet dhe Pjaniç e Manxukiç gjejnë edhe dyfishimin përpara se të zbresin në dhomat e zhveshjes për pushimin e pjesës së parë. Fantazisti bardhezi, madje i kampionëve në fuqi të veshur me të verdhë (edhe dje luajtën me uniformën e dytë), lëshon një krosim për kroatin, i cili stopon me klas dhe lëshon një të majtë diagonale brenda zonës e një për një "vrasës" të zonave të rreptësisë. Edhe pjesa e dytë është e gjitha në kontrollin absolut të Juves sepse të shumëpriturit Verdi, Destro, por edhe i riu Okuonkuo, rreziqet e paralajmëruara të pragsfidës nuk arrijnë kurrë që të përbëjnë rrezik. Ndërsa trajneri Alegri shijon dy ndër blerjet e reja që të tregojnë se investimi për ta ia ka vlejtur.