Pasimet me këmbë, Strakosha është si... Nojer
Nëse me Hoxhallarin kanë nisur negociatat, mesfushorit nuk i është ofruar ende rinovimi
Fundi i këtij viti dhe ditët e para të janarit mund të jenë vendimtare për Asion Dajën. Mesfushorit nuk i është ofruar ende rinovimi nga ana e Tiranës. Gjithkush mund të thotë që ka ende kohë dhe nuk ka pse palët të nxitohen, derisa kontrata i skadon vetëm në fund të këtij sezoni. Megjithatë, dyshimet shtohen me precedentin "Hoxhallari". Në të njëjtën situatë është edhe mbrojtësi, pasi ashtu si mesfushorit, i mbaron kontrata në fund të këtij edicioni në Kategorinë e Parë. Por, në ndryshim nga Daja, lojtarit të linjës së majtë i është ofruar prej javësh zgjatja e marrëveshjes nga kryeqytetasit. Klubi nuk do që të rrezikojë që Erion Hoxhallari t'i largohet me parametra zero gjatë verës.
OFERTAT - Vetë Daja, pak ditë më parë, deklaroi se me Tiranën e mban të lidhur një "kontratë morale" dhe vetëm pasi të realizojë me sukses misionin e ngjitjes në Kategorinë Superiore, mund të mendojë për të ardhmen. Duhet thënë që ofertat në drejtim të 27vjeçarit nuk kanë munguar, madje javë më parë ai u përmend si preferencë e Partizanit. Por "të fiksuar" për të rikthyer ish-mesfushorin nuk janë vetëm të kuqtë, pasi edhe Kamza e ka në planet e saj prej kohësh. Dihet që Ramadan Ndreu e ka pikë të dobët këtë
lojtar, madje edhe në fillim të këtij kampionati insistoi që ta merrte në ekip, por në fund vetë mesfushori vendosi që t'u qëndrojë besnik bardhebluve dhe respektojë kontratën. Mesfushori ka qenë një pikë "kyçe" e formacionit të kryeqytetasve këtë sezon, megjithatë, në javët
e fundit disa herë është lënë edhe në stol. Edhe pse Ze Maria e ka argumentuar këtë vendim si rrotacion, lojtari mund t'i krijohet ndonjë lëkundje.
AFRIMET - Tirana është e fokusuar te merkatoja në mesfushë. Edhe pse ky është reparti më i mbipopulluar te bardheblu, ndërsa në dispozicion kanë Erando Karabecin, Asion Dajën, Toni Mavejen, Rei Qilimin vetëm pak ditë më parë afruan edhe Kente Mugunën. Edhe ky i fundit luan në mesin e fushës, është fantazist më konkretisht, duke çuar në 5 numrin e lojtarëve për qendrën. Me skemën që ka aplikuar deri më tani Ze Maria, i bie që nga 5 futbollistë, dy të mbeten në stol, ndaj nuk përjashtohet mundësia që ndonjë të zgjedhë largimin, se sa të jetë rezervë. Megjithatë, çdo lëvizje kërkon konsensus, pasi kontrata e pengon mesfushorin që të marrë një vendim i vetëm.