Lushnja nuk barazon prej 11 vitesh në Laç, klubi do pikë
Flet drejtori Hysko: Duhet të mos dalin duarbosh nga kjo transfertë
Lushnja ka përfunduar përgatitjet dhe është gati për të sfiduar Laçin. Seanca e fundit stërvitore është zhvilluar pak para mesditës, si gjithnjë në fushën e stadiumit "Roza Haxhiu". Verdhejeshilët do të luajnë një transfertë të vështirë në Laç, përballë një kundërshtari në formë që vjen pas tre fitoreve radhazi. Ndërkohë që verdhejeshilët kanë krijuar një "hendek" me skuadrat e tjera, pasi kanë grumbulluar vetëm 8 pikë në 16 javë të luajtura. Me një mesatare jo fort të kënaqshme, 0.5 pikë për ndeshje. Lushnja është një skuadër që ka nevojë imediate për pikë dhe këtë e pohoi për gazetën "Panorama Sport" drejtori teknik, Altin Hysko. "Lushnja shkon për pikë në Laç. Kundërshtari vjen pas disa rezultateve të mira dhe e vlerësojmë për këtë. Por, Lushnja do të luajë në Laç për të marrë rezultatin pozitiv. Kemi bërë ndeshje të mira si me Kukësin dhe me Skënderbeun. Kemi kërkuar impenjim nga ekipi për këtë ndeshje, ndaj duhet që të mos dalin duarbosh. Kemi besim tek ekipi për të marrë pikë në Laç", u shpreh drejtori teknik. SITUATA - Te Lushnja, infermieria është e tejmbushur. Xhafa, Korreshi, Branica, Shkulaku dhe Alushi vijojnë të jetë të dëmtuar dhe rrjedhimisht të pamundur për ndeshjen e sotme. Ndaj Laçit do të mungojë edhe portieri Spaho, i cili është i skualifikuar prej të kuqit. Për rrjedhojë, katërkëndori do të jetë pronë e lushnjarit Bejte kundër kurbinasve. Portieri, për herë të fundit në kampionat, është aktivizuar në Korçë, ndaj Skënderbeut. Ndërsa në Kupën e Shqipërisë ka qenë ai titullar kundër Laçit. Ndaj ky kundërshtar është mjaft i njohur për Bejten. Lushnjarët do të udhëtojnë bren-
da ditës në Laç dhe i drejtohen stadiumit kurbinas nëntë ditë pasi fituan 1-0 ndeshjen e kupës me golin e Byzhytit. PRECEDENTËT - Lushnja nuk ka asnjë barazim me Laçin në transfertë në pesë përballjet e fundit në Kategorinë Superiore. Lushnjarët kanë fituar dy herë në sezonin 2005-2006, konkretisht me
shifrat 1- 0 dhe 3- 0. Ndërsa laçianët po aq në sezonin 20132014 (3-1 dhe 1-0). Lushnja njeh edhe një fitore në tavolinë në sezonin 1998-1999. Ndërsa, i fundit barazim mes tyre në stadiumin e kurbinasve është regjistruar në sezonin 1996-1997, kur verdhejeshilët dhe kurbinasit barazonin, 2-2. Alban Alushi