Besëlidhja gjen alibinë, humbje nga bora dhe i ftohti

Besëlidhja, nën drejtimin e trajnerit Gledis Lani, vijon stërvitjen për llogari të javës së 12-të të kampionatit që do të luhet të shtunën në shtëpi ndaj Erzenit. Të mërkurën Besëlidhja luajti javën e dhjetë të kampionatit ndaj Tërbunit në Pukë, një ndeshje prapambetur ku u mund 2-1. Një sfidë që u luajt në një fushë të mbuluar plotësisht nga bora. Skuadra lezhjane është e dënuar për ta fituar sfidën ndaj Erzenit për të vijuar rrugën pretenduese për një vend në Superiore. Kapiteni i skuadrës, Kledi

Dibra shprehet: "Ne shkuam në

Pukë për tri pikë, por në fund nuk morrëm asnjë. Siç duket, edhe tereni i mbuluar me borë ndikoi negativisht në rezultat, por nuk është justifikim, pasi po në atë terren ishin edhe futbollistët kundërshtarë, gjithsesi kjo humbje duhet të analizohet thellë për të mos u përsëritur në sfidat e ardhshme. Në një futboll të globalizuar që është tashmë i pranishëm, diferenca bëhet vetëm me rreshtim taktik dhe duke minimizuar gabimet, pasi edhe në

Pukë humbja na erdhi nga gabimet e jo nga forca e dhe superioriteti i kundërshtarit. Duke e lënë pas si një shije të ftohtë të hidhur ashtu siç ishte edhe moti atë ditë atje në Pukë, ne tani kemi nisur përgatidtjet për sfidën e radhës ndaj Erzenit që do të luhet në fundjavë këtu në Lezhë. Ne jemi të dënuar për ta fituar këtë dneshje dhe shpresoj se do të ndodhë, që do të jetë edhe autoikritika më e besueshme për humbjet e deritanishme për të vijuar rrugën tonë drejt ngjitjes në Superiore", - përfundoi prononcimin e tij për gazetën, kapiteni i Besëlidhjes, Kledi Dibra. Ndeshja ndaj Erzenit do të luhet nesër në orën 13:00. Preng Gjikola