Investimet, tjetër “stop” nga Kina për Interin e Milanin
Nga qeveria kineze ka ardhur një tjetër bllokim për investimet në futboll. Gjithçka nis nga deklarata e ardhur nga disa organe institucionale në vendin aziatik mbi normat që kontrollojnë investimet financiare të ndërmarrjeve private jashtë kufijve. Komisioni mbi reformat, Banka popullore gjashtë departamente të tjera kanë nënshkruar një deklaratë, me përmbajtje: "Ndërmarrjet private nuk mund të blejnë valuta të jashtme, të transferojnë vlerat dhe të vazhdojnë aktivitetin e riciklimit përmes investimeve të rreme". BLLOKIM - Lajmin e ka përcjellë e përditshmja italiane "Corriere della Sera", që ka ndërtuar një artikull rreth bllokimit të radhës për investimet e klubit zikaltër në prag të merkatos së janarit. Në të vërtetë asgjë prej këtyre është e lidhur drejtpërdrejtë me "Suning", Interin, Jonghong Li-në e Milanit, e aq më pak merkaton. Lidhet më shumë, në njëfarë kuptimi, me komunikatën me të cilën konferenca ekonomike e përvitshme e drejtuar nga presidenti kinez Xi Jinping, dy më parë në Pekin, ka mbyllur punimet e veta: "Mes prioriteteve të tre viteve të fundit do të jetë kontrolli i rrezikut financiar të hyrjes në borxh". Pra, në Kinë dikush vazhdon ende fushatën kundër investimeve jashtë vendit. "SUNING, IK NGA INTERI!" - Shënimi i ministrive megjithatë u referohet ndërmarrjeve të lidhura me operacione në botën e futbollit jashtë vendit. "Nëse te Suning janë vërtet patriotë, është koha të ikin nga Interi". Redaksia e "Titan", revistës sportive kineze, ka zgjedhur të dalë në treg me këtë titull. Qartësisht, ky është vetëm opinioni i revistës, aspak i qeverisë. Por, për Interin e Milanin nuk do të jenë muaj të lehtë.