Ksavi* -R. të thotë /farë të dojë, por Mesi mbetet numri 0
Legjenda e Barcelonës, Ksavi Hernandez, i është kthyer edhe njëherë temës së rivalitetit mes Lionel Mesit dhe Kristiano Ronaldos përpara klasikes së nesërme, duke thënë se nuk ka krahasim mes ish-shokut të tij të skuadrës dhe yllit të Realit. Pasi fitoi "Topin e Artë" të pestë, duke barazuar rekordin e Mesit, Kristiano tha për "France Football": "Unë jam lojtari më i mirë në histori, në momente të mira dhe të këqija. Gjithnjë e kam menduar këtë. Asgjë futbollist nuk mund t'i bëjë gjërat që unë mundem. Nuk ka lojtar më të kompletuar se unë". Por Ksavi, i cili ka luajtur përkrah Mesit në "Camp Nou" për 11 vite, beson se argjentinasi është një shkallë mbi portugezin. "Mesi bën më shumë gjëra krahasuar me Kristianon. Mesi është më i miri", i tha Ksavi radios "Katalunja". "Nëse Kristiano e konsideron veten lojtarin më të mirë në histori, dakord, por ata si ne që e shohin Mesin të stërvitet, mund t'iu thonë se nuk ka të krahasuar. Mesi është më i miri në histori dhe ne nuk e shohim ndryshe". "Pleshti" ka shënuar 18 gola në 24 ndeshje deri tani këtë sezon, ndërsa Ronaldo është në kuotën e 16 golave në 21 ndeshje.
Katalanasit renditen 6 pikë përpara vendit të dytë që mbahet nga Atletiko e Madridit, ndërsa Reali mban vendin e katërt dhe i shikon rivalët historikë 11 pikë larg. Ksavi mbështet Mesin, që t'ua tregojë edhe njëherë të gjithëve të shtunën në
"Bernabeu" se mbetet më i miri:
"Mesi është diferencbërësi dhe ne përpiqeshim gjithnjë që t'ia jepnim atij topin në hapësirë për t'i zhbalancuar rivalët. Mesi është futbollisti që bën më shumë nga të gjithë diferencën sot në botë. Kjo është më se e qartë", vijoi Ksavi. Ai preku edhe tema të tjera gjatë intervistës. VALVERDE- "Më pëlqen filozofia e tij e futbollit. Ai na ka rikthyer atë që e kishim humbur pak vite më parë. Nuk kam në plan të bëhem asistent i tij, por unë mësoj shumë nga futbolli i Barcelonës. Sepse kur të bëhem i tillë, dua të aplikoj të njëjtën filozofi".
LOJTARËT E NGJASHËM - "Lojtarët që më kujtojnë veten? Janë shumë: te Siti Silva, De Brujne dhe Gyndoan. PSG ka shumë lojtarë që do përshtatej në skemat e Barçës. Ka edhe lojtarë me ADN-në e Barçës si Kazorla dhe Fabregas".
GUARDIOLA - "Siti është skuadra më në formë e momentit në Europë. Pep ka gjetur formulën sesi donte që ekipi të luante. Ai është i fiksuar me filozofinë, është shumë metodik. Lojtarët e prekin topin 70-90 herë çdo ndeshje. ADN-ja e tij është ajo e Barçës. Është trajner i shkëlqyer". CHAMPIONS - "Siti, Barça, Reali dhe Bajerni me Hejnkesin janë favoritë. Për Barçën s'do të ketë asgjë të lehtë".